أعرب الفنان حمزة العيلي عن سعادته البالغة بمشاركته في فيلمه الجديد«قصر الباشا»، مؤكدًا أن العمل يمثل تجربة مميزة بالنسبة له، خاصة أنه شارك مع مجموعة كبيرة من النجوم الذين يعملون بروح الحب والإخلاص.
وقال حمزة العيلي في تصريحات خاصة لبوابة «دار الهلال»:«مبسوط جدا إني شاركت في هذا العمل الرائع، كل فريق الفيلم أبدع واشتغل بحب، واستنينا النتيجة حوالي سنة، والنهارده كلنا فرحانين ومتشوقين يشوف الجمهور الفيلم، لأنه فعلاً عمل جميل ومختلف».
وأضاف العيلي متحدثًا عن الفنان أحمد حاتم قائلا: «أحمد إنسان راقي ومحترم ومحب للخير، وبيهتم بزملائه زي ما بيهتم بنفسه في الشغل، والنوعية دي من الناس بقت نادرة جدًا، عشان كده هو قيمة كبيرة، وأنا سعيد جدًا إني اشتغلت معاه، وكان بينا تفاهم وحب كبير انعكس على الشغل».
وتابع عن أجواء التصوير قائلا:«الحمد لله كانت بيئة التصوير مريحة جدًا، وده خلانا نطلع أحسن ما عندنا، لأن النجاح بيبدأ من الجو اللي حواليك، ولما تحس بالراحة بتبدع أكتر».
كما أعرب عن تقديره الكبير للفنان القدير حسين فهمي، موضحا: «كفاية إننا نشتغل مع فنان كبير زي الأستاذ حسين فهمي، راقٍ ومحترم، ووجوده بيضيف طاقة إيجابية كبيرة، وسعيد كمان إنه رئيس مهرجان الطيران الدولي في دورته الثانية، لأنه نموذج للفنان الواعي المثقف اللي عنده مبدأ ورسالة».
واختتم العيلي حديثه مؤكدا امتنانه لفرصة المشاركة في هذا العمل الذي يراه من التجارب القريبة إلى قلبه، متمنيًا أن ينال الفيلم إعجاب الجمهور عند عرضه في دور السينما.