رد الرئيس عبد الفتاح السيسي، على سؤال "لو حضرتك يا ريس منجحتش في الانتخابات القادمة هل الرئيس الجديد يستطيع إيقاف المشاريع الجاري تنفيذها والتي تم تنفيذها؟".
قال الرئيس عبدالفتاح السيسي "أنا هرجع لأول سؤال بتاع قناة السويس أوعوا تفتكروا أن هذا المشروع كان وليد اللحظة لا.. أن هذا المشروع كان ضمن مشروعات تم دراستها على مدى سنين طويلة قبل مانا اجي وقبل الفريق مهاب مميش ما يكون موجود أنا مبقولش سر ولا حاجة.. اوعوا تفتكروا إن الدولة المصرية خلال الثلاثين الأربعين عاما الماضية كان ساكتة ولكن كان هناك دراسات يتم عملها وكانت مشاريع كانت بتم.. عاوزين إنها تتنفذ تم تنفيذها أم لا ممكن يكون فيه أسباب ولكن عندما سنحت الفرصة عملنا".
وأضاف "يعني مرفق السكة الحديد ان هو بيعاني هل مفيش دراسات معمولة فيه لتأهيله وتطويره خلال السنوات قبل ما احنا نكون موجودين لا طبعا كان يوجد.. اللي احنا شغالين فيه هو عبارة عن تخطيط اداري للجمهورية والمدن الجديدة والمواني والمطارات وشبكة الطرق القومية، له اصل في التخطيط".
واختتم الرئيس إجابته بالقول "احنا قربنا نخلص لو جه حد وحب ينهي مش هيلحق.. انا بعتبر أن أي بناء لدولة بياخد من 16 إلى 20 عاما انا بحاول اخلص الموضوع في 8 سنوات وربنا يعيننا على ذلك".
وفي رده على سؤال حول حقوق الإنسان لماذا يسود في مصر مناخ تاريخي من قمع الحريات وحقوق الانسان ولماذا تم اقصاء كافة الأحزاب والقوى السياسية للمشاركة في العملية السياسية قال الرئيس " اقصاء للأحزاب والقوى السياسية!! .. مش ممكن تجدي في أي شعب ناس كلها على حاجة واحدة .. التنوع والتعدد والاختلاف هذا سُنة من سنن ربنا سبحانه وتعالى في الوجود لو احنا عرفناها وقبلناها مش هنختلف على الاختلاف".
وتابع "لكن انا هرجع لموضوع حقوق الانسان .. لا طبعا هناك ثوابت وطنية ان احنا نحترم حقوق الانسان وإن حقوق الإنسان عبارة عن عملية بتقوم بيها الدولة والمجتمع وانا كنت لسة بتكلم عن المرأة المصرية أو الشابة بتكون ماشية في الشارع وشاب يضايقها هل من حقه أن يؤلمها ويسمعها كلام لا يليق..هذا الموضوع يرتقي ويتطور مش كمؤسسات دولة ولكن مؤسسات وشعب عندما ترتقي العلوم والثقافة والقيم الدينية الحقيقية.. مفيش حاجة اسمها قيم فقط تحكم المجتمعات ولكن قيم بالاضافة إلى قوانين وتنفيذ لهذه القوانين ومجازاة من يتخلف عنها".
وبشأن الأحزاب والقوى السياسية، قال الرئيس " لما يكون عندي مليون انسان من رجل وشابة وطفل في الشارع وبيناموا في مكان لا يليق بهم هو لما يكون عندي شاب يريد أن يتحصل على شقة وميقدرش يتحصل عليها ويريد العلاج ولم يتعالج علاج كويس عاوز يتعلم ومش عارف يتعلم كويس عاوز يشتغل وميقدرش يشتغل كويس.. انتم اختزلتمالحقوق فقط في حقوق الممارسة السياسية ؟أنا اتصور إن هناك حقوق كثيرة إهدارها أكبر بكثير من إهدار الحقوق السياسية".