استعرضت فضائية "دي إم سي" تقريرا مصورا يتضمن أبرز التغريدات للنجوم والمشاهير بعد إصابة اللاعب محمد صلاح، لاعب فريق ليفربول الإنجليزي، بخلع بالكتف في مباراة أمس أمام ريال مدريد، في نهائي دوري أبطال أوروبا بالعاصمة الأوكرانية كييف.

 

وجاءت أبرز التغريدات كالآتي:

راغب علامة: "خروج محمد صلاح بعد إصابته أفقد الفريق التوازن وأفقد المباراة جمالها لكنه كان بطل المباراة حتى من خارج الملعب".

محمد هنيدي: "ربنا لا يكسبك ولا يربحك ياراموس".

"ميدو": "من يفهم في كرة القدم يعلم أن راموس تعمد إصابة صلاح وأي لاعب في العالم وهو بيقع كان هيسيب إيد المنافس ولكن راموس فضل ماسك إيد صلاح ولف بيها".

 محمد "جدو": "طبعا قاصد".

 عبد الله السعيد: "دموعك غالية علينا ربنا يقومك بالسلامة يا حبيبي".

 رمضان صبحي: "مستنينك يا صلاح".

 مؤمن زكريا: "إن شاء الله بسيطة".

 نجيب ساويرس: "ولا يهمك يا أبو صلاح مصر كلها وراك وبتحبك وحبت ليفربول علشان خاطرك.. والماتش كده باظ وخسر حلاوته من غيرك".

 أمير طعيمة: "مدة غياب محمد صلاح تتوقف على نتيجة الأشعة السينية اللي لسة ما ظهرتش.. خلع الكتب درجات ادعوله بدل ما تستبقوا الأحداث ربنا معاه".

 حنان ترك: "انت بطل يامو صلاح وهتقوم أقوى وتفرحنا.. دموعك غالية علينا".

 عمرو أديب: "هي الأساطير كده الراجل اللي يوصل بلده كأس العالم يبقى مهدد أنه ما يروحش وبعدين بعد دعاء الملايين يلحق إن شاء الله الكأس ويحقق أعلى النتائج قولوا يا رب".

 أحمد السقا: "اللهم اشفي عبدك محمد صلاح شفاء عاجلا لا يغادره سقما".