قومى بعمل وجبة صحية ومفيدة لاسرتك من الفراخ والخضار بالفرن باستخدام الكيس الحرارى مع الشيف سامح صدقى
مقادير الفراخ بالخضار
فرخة مقطعة لاربعة
خضروات (بطاطس – جزر - كوسة – بصل)
معلقة مستردة
معلقة كبيرة هوت صوص" اختيارى" ويمكن استبداله بفلفل حراق
جنزبيل طازج
كسبرة وبقدونس وزعتر مجففين وممكن فريش
معلقة صغيرة ملح
ونص معلقة صغيرة من كل من البهارات الاتية ( فلفل اسود - فلفل ابيض - بابريكا - حبهان مطحون – بودرة ثوم- بودرة بصل)
طريقة تحضير الفراخ بالخضار
نحضر وعاء ونضع به كل البهارات والمستردة والهوت صوص ورشة زيت بسيطة ،ثم نضع الفراخ المقطعة وتقلب جيدا وتترك ساعتين فى الثلاجة .
نحضر كيس حرارى "يباع فى السوبر ماركت " ونضع بها الخضروات بعد غسلها جيدا وتقطيعها الى مكعبات او شرائح.
نغلق الكيس الحرارى جيدا بالرباط الخاص به ويوضع فى صينية الفرن ويفتح فتحة صغيرة بطرف السكينة حتى يخرج منه البخار اثناء التسوية.
ندخل الفراخ الفرن على درجة متوسسطة لمدة من ساعة الى ساعة ونصف.
بعد ان يتم النضج نخرجها ونضعها بالكيس فى طبق التقديم ويفتح الكيس حتى يخرج البخار وتقدم مع الارز الابيض.