نشرت الفنانة منة فضالي صورة جديدة لها عبر حسابها بموقع الصور الشهير "إنستجرام" وحرصت على توجيه نصيحة لجمهورها.

وعلقت منة على الصورة حيث قالت وهي تنصح جمهورها: "متزعلش لما تخسر في حياتك أو يضيع منك حاجة غالية عليك، صدقني إن ده مش صدفة أو سوء حظ ، ده ترتيب من عند اللّه ليك ، ربنا مش هيأذيك ربنا هيخليك أفضل وأقوى من ما أنت عليه دلوقتي".

وأضافت: "أقرأ الرسايل إللي بيبعتهالك ركز هتستوعب قد إيه هو بيكلمك وبيبعد عنك إللي بيأذيك ، بس إنت مصمم تأذي نفسك سواء في علاقة أو شخص أو موقف ، ربنا بيدي فرصة وإتنين وألف وبيخلي دايمًا في اختيار تاني".

وتابعت: "يمكن دي أسوأ فترة بتعدي عليك في حياتك كلها ، جواك تعب ملوش وصف ، بترهق وتعاني من أقل شئ ، حياتك كلها إنك بتشتكي ، التفكير مخليك معدي سنك بسنين".

وواصلت: "جرب تفتح صفحة جديدة مع ربنا ، صلي وإدعي وأقرأ رسايله ليك ، هتشوف الفرق لما تلاقي نفسك مع أول اختيار بتختار إللي قلبك النقي بيدلك عليه ، بتختار اختيار كان ربنا حاطه قدامك في كل موقف وأنت متعمد تختار العكس ، ربنا مش بينسى ولا بيظلم ، جرب إنك تصالح نفسك على إللي خالقها وكل حاجة في حياتك هتتصلح".