نشرت الفنانة عبير صبرى عبر حسابها الرسمي على موقع تبادل الصور والفيديوهات "انستجرام" ردا على مروجي شائعة إجرائها عملية تجميل بعد زواجها، مستعينة بصورة لأحمد زكي من فيلم "الحب فوق هضبة الهرم" .
وردت عبير قائلة: "كلهم كدابين، وعارفين أنهم كدابين وعارفين إننا عارفين إنهم كدابين، وبرضه مستمرين في الكدب وبيلاقوا اللي يصقفولهم.. ولكن الواحد بيترفع عن المرضى النفسيين الكدابين، والناس اللي فشلت تكون شيء، فملاها الحقد والحسد والغل على اللي حقق شيء".
وأضافت: "الناس البائسة المريضة اللي فاكرة أنها لما تنشر خبر كذب وهما عارفين إنه كذب عشان يعملوا ترافيك ونسب مشاهدة كبيرة، ويدخلوا المشوهين نفسيا والغيورين والكارهين يطلعوا بؤسهم وسواد قلوبهم ولسانهم اللي بينقط سم فاكرين إن سمهم يقلل جمال روحي أو حتى شكلي.. الواحد ساعتها بيترفع عن الناس المسكينة دي، كفاية النار اللي جوة قلوبهم.. على رأي المثل ما لقوش في الورد عيب قالوا له يا أحمر الخدين".