نشر الفنان والمنتج محمد محمود عبد العزيز عبر حسابة الرسمى على موقع تبادل الصور والفيديوهات إنستجرام صورة تجمعه و "بورتريه" لوالده الفنان الراحل محمود عبد العزيز.
وعلق محمد على الصورة قائلا: "برضه هتصور مع حضرتك وهتجمعنا صورة جديدة ."
وأضاف موضحا سبب نشر الصورة: "هو بصراحة الصورة دى ماكنتش متصورها عشان أنزلها على السوشيال ميديا، كنت عاملها ليا أنا بس عشان أحطها على موبايلى وأعلقها فى بيتي وشركتى، بس قلت لنفسى أن أكيد فى ناس كتير عاملة زى حالاتى وليها حد غالى عليها بعيد عنها، أيا كان نوع البعد حتى لو مسافر مدة طويلة، [نصيحتى]، إعمل زى ما انا عملت."
وأستكمل: "تصور صورة حلوة مع صورة حلوة للشخص الغالى عليك ولو كان مسافر ابعتهاله وعرفه قيمته عندك وحسسه بحبك ليه، ساعتها أكيد هيفرح وأنت كمان هتفرح وهتقصر بينكوا المسافات مهما طالت، العمر مهما طال قصير اللى انت حاسه قوله واللى بتحبه قوله بحبك فى وشه صدقنى ممكن بكره ماتلاقيهوش، أما لو الغالى عليك المسافه اللى بينك وبينه أبعد من السفر، أكيد برضه هيحس وهيفرح وانت كمان هتفرح انك معاه فى صورة جديدة حتى لو مع صورته. "