نشرت الفنانه ريهام حجاج عبر حسابها الرسمى على موقع تبادل الصور والفيديوهات إنستجرام صورة زواجها الأول من المصور اللبنانى محمد مكاوى قبل دخولها الفن والتى تم تداولها عبر مواقع التواصل الإجتماعي .
وعلقت ريهام على الصورة قائلة : "الناس اللي اجتهدت عشان تطلع صورة قديمة لكتب كتابي من مجلة وتنشرها علي انها شئ ممكن يضايقني احب اقولهم اطلاقا !! .. كل محاولات التشويه اللي عمالة تحصل لواحدة اتجوزت علي سنة الله ورسوله من راجل مطلق اصلا ان دلت علي شئ فتدل علي مرض النفوس (ونصيحة للستات الفاضية.. مافيش راجل بيتسرق).
وأضافت : "الناس بتتجوز وتطلق عادي وكل شئ قسمة ونصيب وربنا اللي بيبقي كاتب ومقدر.. ولو كل واحد طلع صورته من خمسة عشر عاما حايلاقي شكله اختلف عادي!! (خاصة صور الافراح اللي فيها ٣ كيلو ماكياچ، .. دا رسمة الحواجب بتفرق..المهم الجوهر وانا مافيش حاجة في حياتي ممكن اتكسف منها واللي حاصل دا ما شئ غير تفاهة و حقد عشان دا جواز.. اللي الناس بتباركلي عليه.. لا خبر بقضية قتل ولا فضيحة مخلة بالآداب!! .. كفاية هرى.
وأستكملت: "طبعا الكلام دا للمرضي النفسيين اما كل الناس الطبيعية اللي باركتلي وفرحتلي وماعرفتش ارد عليهم من كترهم .. بشكرهم وبقولهم يا رب مسلسل "كارمن" يعجبكم ..ويعرض يوم ١٠ فبراير علي ال سي بي سي ان شاء الله".