نشر المؤلف أيمن بهجت قمر، تدوينة عبر صفحته الشخصية بموقع التواصل الاجتماعي "فيس بوك"، نصح خلالها المؤلفين الجدد.
وقال قمر في التدوينة: "عزيزي المطرب الشاب والشاعر الشاب والملحن الشاب اللي لسه بيبتدي.. طول ما انت قاعد مستني الجيل الأكبر منك إنه يفشل أو يفضى عشان انت تاخد فرصتك إعرف إن دي بداية سقوطك لأننا كنا صغيرين وكبرنا والكبار فضلوا موجودين وكبار".
وأضاف: "أنا طلعت مع عصام كاريكا ومصطفى كامل وشتا وهما سبقوني وكان موجود قبلنا مدحت العدل وبهاء الدين محمد وعماد حسن ومجدي النجار، وسامح العجمي وعوض بدوي وهاني الصغير ومحمد فضل ووائل هلال وإبراهيم عبد الفتاح وعنتر هلال.. إلخ.. طبعا مع حفظ الألقاب واندمجت بينهم وحققت ذاتي بعدها طلع جيل أمير طعيمه وخالد تاج ورفاعي ونادر عبد الله وأحمد علي موسى وربيع السيوفي إلخ.. برضه اندمجت بينهم وفضلت أنجح وسطهم ومعاهم".
وتابع: "اللي بيعلم بيعلم وسط أي حد وفي أي وقت وفي أي سن وعشان يبقى الأول أو من الأوائل لازم مايبصش غير على نفسه، يا إما يبقى يقعد يستنى فشل الآخرين وده مش هيحصل لأن مافيش مجموعه كامله بتفشل مرة واحدة ولا بتفضى مرة واحدة.. الملعب مفتوح للكل.. إثبت نفسك".