يعيش 3000 صياد مصري بالكويت، حالة من القلق، بعد أن أخبرتهم السلطات الكويتية بضرورة إخلاء مساكنهم، في منطقة شرق بالعاصمة الكويتية، تمهيدًا لإزالة العقار الذي يسكنون فيه، بدعوى أنه مجاور لبنك ومستشفى.
ويروي (م .ع) أحد الصيادين المطرودين من العقار، مأساته وزملائه قائلًا:"احنا 3000 صياد مصري، عايشين بقالنا 10 سنين في عقار مكون من دورين، كل دور فيه 200 غرفة، دلوقتي بعتولنا إنذارات من البلدية، وطردونا عشان عايزين يهدموا السكن بتاعنا، وإحنا مش عارفين نروح فين".
وأكمل الصياد المصري حديثه لـ"الهلال اليوم": " البلدية بتقول إن سبب الإزالة وجود العقار جنب بنك ومستشفي، ومش عايزين جنبهم سكن عزاب، وكده معظم الصيادين هينقطع عيشهم لأننا ممعاناش فلوس ندفع تكاليف الإجازات الغالية بره، والكفيل مش هيوفرلنا سكن تاني وقالنا مقدرش أقف قدام الحكومة".
وتابع :كل الأماكن بره بعيدة عن الميناء، واحنا يعني عايشين كل 6 في أوضة إيجارها حوالي 200 دينار، نجيب منين قلوس للسكن بره، كلمنا السفارة المصرية محدش عملنا حاجة، وإحنا لاحول لنا ولا قوة، نروح فين ولا نعمل إيه رزقنا هيتقطع".
وحصلت “الهلال اليوم” على صور من مسكن الصيادين خلال نقلهم لمتعلقاتهم، وصور من المستشفى والبنك المجاورين للسكن.