قال الرئيس السيسي إن سوريا وقعت فريسة لحروب الجيل الرابع، متابعا: "مين اللي عمل كده في سوريا؟ .. أهلها.. كل المطلوب إشعال الموقف".

وأضاف "التليفون اللي مع حضرتك بيدي كل تفاصيل شخصية حضرتك، التفاصيل دي بتتحول لدراسات وفي الآخر بتتقسم لشرائح كل شريحة لها خصائصها عشان نعمل الإشعال وتروح البلد"، متابعا: "الحاجة الوحيدة اللي أنت تصر عليها إنك متمسش مؤسسات بلدك من أول مؤسسة الرئاسة لغاية أي مؤسسة أخرى".

واستكمل: "كله يزول إلا مصر..وإذا كان أمن المصريين وسلامتهم مرتبط بيا فأنا أرخص ثمن أقدمه".

ويشهد الرئيس عبد الفتاح السيسي، الندوة التثقيفية للقوات  المسلحة الحادية والثلاثين "إرادة وتحدي" تزامنا مع مرور 46 عاما على انتصارات أكتوبر.

وتحتفل مصر بالذكرى الـ46 لنصر أكتوبر المجيد، تلك الذكرى العظيمة التي ستظل فخرا لكل مصري وعربي بما حققته القوات المسلحة المصرية من استرداد للكرامة العربية والانتصار على العدو الإسرائيلي في معركة ضربت فيها قواتنا المسلحة أروع أمثلة البطولة والفداء.