قال الرئيس عبد الفتاح السيسي، هناك فارق لدى المواطن في انطباعه عن الدولة والواقع، "احنا موجودين هنا معا وهنلف مصر علشان نخلي الانطباع زي الواقع".

 

وأضاف الرئيس السيسي - خلال فعاليات اليوم الثاني للمؤتمر الوطني الثالث للشباب – "أن أهل الشر يريدون إدخال المصريين في دائرة لا يستطيعون الخروج منها، مؤكدا أن السياحة في مصر تعتمد على الأمان والسلام، لأن السائح القادم إلى مصر لابد أن يشعر بتوافر هذه المعادلة حتى يأتي ويدفع أموالا للدخول لتلك البلد".

 

وتابع: "أنا عمري ما خفت من أي عدو غير من عدم وعينا أو من إننا نختلف كلنا مع بعض، وأنا كل اللي امتلكه وأقدر أقدمهولكم إخلاص وأمانة وشرف".

 

وأكد أنه إذا كان قطاع السياحة مستقرًا على مدار الـ 40 عاما الماضية لما كانت تحتاج الدولة لشىء آخر سواه، "لو كان مستقر كان يكفى مصر، ومكنش الدولة هتحتاج إنها تعمل أي حاجة".. مشيرا إلى أن أهل الشر يريدون القضاء على الخير الذي يتم القيام به داخل الدولة، مضيفًا: "مبيرحمش أخوه المصري ومستعد يدوس عليه علشان يهدها.. لازم تنتبهو للكلام ده علشان أنا معنديش مصلحة أبدا غيركم".

 

وأوضح الرئيس السيسي، أن حب الوطن بالإخلاص له وليس كلام فقط، مضيفاً: "أنت هنا فى الصعيد حاسس إن الدولة مقصرة معاك وغفلانة عنك، لكن الفكرة كلها إن البلد تقدر ولا متقدرش، ولو قدرت ومعملتش تبقى مش كويسة، ولو معاها وبخلت على أهلها تبقى مش كويسة".

وعن معرفته بأهل الصعيد، قال الرئيس: "أنا عارف الصعايدة من الحي اللى كنت ساكن فيه، أنا شفت الصعايدة وعزة نفسهم وكبريائهم، والله العظيم مش بقول الكلام مجاملة، الصعايدة كانوا بيخلوا بالهم من بعض في الحماية، ومحدش يأذي حد، لكن حد يأكل حد لأ.. كل واحد بياكل بدراعه".