قال الرئيس عبدالفتاح السيسي، إن المواطنين يتألمون من إجراءات الدولة لضبط مخالفات البناء، متابعا: "المواطنون كتير منهم متألم ومضايق من موضوع إجراءات الدولة لضبط مخالفات البناء سواء الأراضي الزراعية أو بدون ترخيص".

وأضاف الرئيس خلال افتتاح عدد من المشروعات القومية بالإسكندرية: "محدش بيتكلم في الموضوع ده كويس، ملهومش دعوة بيه، علشان محدش يزعل، وأنا مش طبيعتي معاكم كده يا مصريين، احنا قدامنا تحدي وطلعت قدامكم وقلتلكم التحدي ده خطير علينا واستمرار المخالفات يدمر الدولة المصرية".

وواصل الرئيس: "كنتوا بتتكلموا وخايفين من موضوع سد النهضة، وصدقوني البناء غير المخطط والتعدي على الأراضى الزراعية خطير مش عاوز أقول بنفس نسبة سد النهضة، بس الناس مش شايفاه، والواضح لينا موضوع الميه، واللى مش واضح لينا الاستمرار في التعدي على الأراضي الزراعية والبناء غير المخطط ".