تطرق الرئيس عبدالفتاح السيسي للحديث عن الجامعات
الأهلية الحديثة، قائلا "كنت أتمنى أوريكو حجم الطلبة المصريين اللي بيخرجوا
خارج مصر في دول العالم كلها علشان يتعلموا.. في حجم معتبر من الأسر بتعلم
أبنائها في الجامعات الخارجية.. في جامعات معتبرة ومحترمة جدا وفي جامعات أخرى
لاء.. فيه 20 مليار جنيه بيخرجوا برة مصر سنويا وعملة صعبة بتخرج وعقول مصرية بتخرج
وأغلبهم مبيرجعش".
وأضاف الرئيس: "إحنا عندنا طلبة
في مصر بيصرفوا 30 و35 ألف دولار تكلفة سنوية للطالب في التعليم ببعض الجامعات،
والفكرة تعليمية ومش مالية، إنه الطالب يببقى موجود على أرضنا ويتعلم على أرضنا من
غير ما يخرج يتعلم برة".
وتابع الرئيس:
"وزير التعليم العالي اتكلم على علوم جديدة في الجامعات الأهلية الجديدة..
لأننا كنا بنقول دوروا على ربط التعليم بسوق العمل، وجامعاتنا المصرية تخرج عشرات
الآلاف من الطلاب سنويا، وكلهم مش مربوطين بسوق العمل وجبنا كل العلوم الجديدة في
الجامعات الأهلية الجديدة اللي تخلي ولادنا جاهزين في سوق العمل في مصر أو فرص
العمل في الخارج، ويمكن الناس تخاف تودي ولادها تدرس في الجامعات الجديدة لكن ده
فرصة كبيرة".