كشف اللاعب حسين السيد، لاعب النادى الأهلى، كواليس تجربته وانتقاله إلى نادى الصفاقسى التونسى، فى وقت سابق قبل عودته إلى النادى الأهلى مجددا.

وقال حسين السيد، خلال مكالمة هاتفية لقناة أون تايم سبورت، اليوم الأحد، إنه لم يحصل إلا على 3 آلاف دولار من الصفاقسى، مؤكدا أنهم استقبلوه  بسيارة نصف نقل "بتاعت سمك".

وتتابع: "روحت الصفاقسى ووصلت تونس الفجر، أبسط حاجة كان حد يستنانى هناك، لقيت عربية نص نقل سمك هى اللى بتستقبلنى، أنا خدت 3000 دولار بس طول فترتى هناك".

 وأضاف: "الكابتن الخطيب عرف الكلام ده وقف جنبى وقالى هيعوضنى، الكلام ده عندى بالدنيا، سنة ضاعت من عمرى ومبتكلمش ، كابتن الخطيب أقسم بالله قالى أنت ابن الأهلى وطلعولى فلوس، كل ده عندى بالدنيا، صحيت الصبح لقيت الإعلام قال عليا إنى مضيت فى بيراميدز".