تصدّرت الفنانة أمينة خليل قائمة تريندات جوجل، بعد ظهورها الأخير في مهرجان الجونة السينمائي في دورته الرابعة، ونشر البعض شائعات حول إصابتها بفيروس كورونا المستجد وحضورها المهرجان وخرجت أمينة لتنفي الشائعات.

وقالت أمينة في فيديو نشرته عبر حسابها على «إنستجرام»: "عايزة أقولكم وأصلحلكم أي معلومة أنا معنديش كورونا دلوقتي، أنا كان عندي كورونا أول الشهر، وقعدت وقتها 14 يومًا معزولة في البيت، وبعدها عملت أكثر من تحليل (بي سي أر) والحمد لله كلهم طلعوا سلبي، وعشان كده أنا دلوقتي موجودة في المهرجان، فلكل الناس اللي بتطلع عليا شائعات بأن أنا واحدة مستهترة وجايه المهرجان، فدي مش شبهي وعمري ما هعمل كده أبدًا". 

وتابعت: "كورونا مسؤولية كبيرة جدًا يا جماعة خلوا بالكم، واحموا أنفسكم، وخلوا بالكم من عائلتكم وحبايبكم وبطلوا تطلعوا شائعات". 

وتابعت أمينة في منشور اَخر: "ربنا وقف جنبي والموضوع عدّى على خير الحمد لله".