أول ظهور لـ«أحمد فتحي» في مؤتمر تقديمه بنادي بيراميدز (صور)

بدأ منذ قليل، المؤتمر الصحفي الذي يقيمه مسئولو نادي بيراميدز، لتقديم أحدث صفقات الفريق، وهو أحمد فتحي، الظهير الأيمن السابق للنادي الأهلي.

"الهلال اليوم" تنشر أول ظهور لأحمد فتحي في المؤتمر الصحفي، قبل الإعلان رسميًا عن تفاصيل التعاقد.

وودع لاعب الأهلي السابق وبيراميدز الحالي، أحمد فتحي، جماهير القلعة الحمراء، برسالة وداع مؤثرة، ذلك قبل انضمامه لنادي بيراميدز ابتداء من الموسم المقبل.

وكتب اللاعب عبر صفحته الرسمية بموقع التواصل الاجتماعي "فيسبوك" كلمات مؤثرة حيث قال: "لحظات يصعب فيها الكلام لحظات يصعب فيها التعبير، خاصة وأنت بتخاطب أطراف كلها عزيزة عليك ولها مكانة خاصة فى قلبك وكمان عشت معاهم أحلى 12 سنة فى حياتى 12 سنة كلها انتصارات وبطولات وأفراح".

وأضاف، عايز أقول لو عقود الاحتراف المكتوبة بتنتهى عقود الحب والود والاحترام بينى وبين كل منظومة النادى الأهلى لن تنتهى اعذرونى لحظات قاسية، وأى قسوة وأنت تغادر حبايبك اللى قضيت معاهم سنين فى النادي الأهلى بيتى وهيفضل بيتى.

وتابع، حتى لو كان القدر كتب لى خطوة جديدة وهيفضل جمهور الأهلي اللى حبنى وساعدني ووقف جنبى هيفضل سندى لأنه جمهور وفى جمهور أصيل ربنا يشهد اني لم أقصر لحظة لا فى حق النادى ولا حق جمهوره وبذلت أقصى ما أملك حتى آخر لحظة.

واختتم قائلا: "أتمنى أكون قدمت ولو جزء من اللى يستحقه الأهلى وجمهوره.. فى هذه اللحظة الصعبة على نفسى. عايز أسجل شكرى للنادي الأهلي وإدارته وعلي رأسها المحترم الكابتن محمود الخطيب.. وكل الشكر للجماهير اللى مهما تكلمت مش هقدر أعطيها حقها.. شكرا لكل المدربين اللى ساعدوني من أول يوم، وحتى آخر لحظه.. والشكر لكل زمايلي اللعيبه اللى أنا لعبت معاهم على مدار كل الأجيال.. شكرا لاخواتي الأطباء ومساعدينهم أخصائي التأهيل والمدلكين.. شكرا للإداريين والعمال.. شكرا لكل فرد ساعدنى ولو بأى حاجة.. أنا مش عايز حد يزعل منى.. فى الأول والآخر دى خطوات كتبها ربنا سبحانه وتعالى.. وأنا متوكل على الله فى كل خطواتي.. ودايمآ هيفضل الأهلي وجمهوره فى قلبى.