أعلن اليوتيوبر سيد نافع الشهير بـ"سبونافع" عن مشاركته في مسلسل الآنسة فرح الجزء الثاني والثالث، وذلك خلال حسابه الشخصي على موقع "فيسبوك".

وعلق نافع قائلًا: "تتمسوا بنعيم الله يابا  اتشرفت بالعمل في مسلسل " الآنسة فرح " الجزء التاني والتالت .. كمصحح لهجة للفنانة الجميلة " هبة عبد العزيز " في شخصية " أنيسة " اللي جايه من الشرقية". 

وأضاف: "المسلسل بأمر الله هيبدأ بكره ١٥ نوفمبر على شاهد .. وطبعا عشان انتوا كحيانين زيي فمعظمكم هيستناه ع التلفيزيون .. هو هيتعرض قريب على MBC4، إن شاء الله هبقى اعرضلكم مشاهد منه هنا ع الصفحة".

وتابع: "في ناس طبعا هتسأل طب وانت هتمثل امتى ؟ .. يا جماعه مش تستعجلوا احنا هنطلع السلم واحده واحده .. يعني النهارده مصحح لهجة الشرقية.. بكره موجه أول لهجة الشرقية.. بعد شوية مدير إدارة أولاد صقر التعليمية .. وهكذا .. الموضوع مش هييجي خبط لزق كده"

وقال: "المسلسل بطولة أسماء أبو اليزيد .. أحمد مجدي .. رانيا يوسف .. هبة عبد العزيز .. هاني فرحات .. تامر فرج .. عارفة عبد الرسول .. محمد كيلاني .. وإخراج وائل فرج، وأتمنى ليكم مشاهده ممتعه والمسلسل يعجبكم ده تعب ٤ شهور".