وجّه الفنان الشاب محمد يسري، رسالة مؤثرة إلى والده النجم الراحل إبراهيم يسري، في ذكرى وفاته، والتي توافق اليوم الثلاثاء.
وقال يسري، عبر حسابه الشخصي على فيس بوك: "الوقت ما بيعديش من غيرك يا هيما.. عدى ٦ سنين بس حاسسهم عمر من غيرك.. كان نفسي أوي تبقى موجود معانا وتشوف كل خطوة بناخدها في حياتنا.. كان نفسي أفرحك يا حبيبي.. والله أدفع عمري كله وأشوف ضحكتك تاني.. صوت المفاتيح وأنت راجع من التصوير.. ابتسامتك وأنت داخل عليا الأوضة وبتقولي من غير أي مناسبة أنا بحبك أوي يا حبيبي".
وأضاف: "اللي مصبرني أني عارف أنك عند ربنا، وأنك أكيد حاسس بينا، وأن شاء الله هشوفك قريب يا حبيبي.. بس الوقت مبيعديش يا هيما.. لا الوقت بيعدي ولا الوجع بيقل.. ربنا يرحمك يا حبيبي وكل سنة وأنت طيب ومبسوط في جنة ربنا يا رب.. نسألكم الدعاء".
