رد الفنان تامر عاشور على هجوم الجمهور عليه، بعد صورة له مع طفلة مريضة بالسرطان، أثارت جدلًا واسعًا، حيث ظهر في الصورة ويعطي برتقالة إلى الصفة علق عليها بقوله :" أنا صايم يا فاطرة".
وقال عاشور اليوم الثلاثاء عبر صفحته على فيسبوك: "صباح الخير - انا طول حياتي ومشواري عمري ما اتريقت على حد سليم علشان اتريق على مريض حاش لله - واللي اخد كلامي تريقه على مريض نفوسهم ضعيفه وهم اللي مرضى بيفرقوا بين المريض والشخص الطبيعي، لو نزلت صورتي مع اي طفل " اللي هو غير مُكلف بالصيام " وقولتله ب اي طريقه متشربش مياه قدامي يا فاطر " او "خد دي يا فاطر انا صايم "حد هيتكلم ؟ مستحيل علشان طفل طبيعي".
وأضاف :"لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا ".
وتابع :"المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض، المرض الحقيقي هو ان فكره " المعايره " جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصوره وللأسف شوفت كمان حاجه غريبه جدا".
وواصل تامر عاشور :ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم "العمر بيجري حاولو تعملو حاجه لنفسكم أولى"".
واختتم :"البنت اللي في الصوره فضلت ف حضني طول تصوير الاعلان وبحبها جدا جدا، ومتفقين انا وهي على حاجات كتير قوي قوي هنعملها ".
