أكّد الفنان الشاب إسلام إبراهيم، أنه يتعرض لحرب من بعض أفراد اللجان الإلكترونية على مواقع التواصل الاجتماعي، بعد النجاح الذي حققه في الفترة الماضية، وبخاصة بعد مشاركته في مسلسل "نجيب زاهي زركش" أمام الفنان يحيى الفخراني.
وقال إبراهيم عبر صفحته على "فيسبوك":" أنا عمري ما كنت بفكر بنظرية المؤامرة بس للأسف زي ما في ناس بتدفع فلوس عشان تدعم نفسها علي السوشيال ميديا وتعمل لنفسها رواج عن طريق لجان إلكترونية معينة بقوا بيدفعوا فلوس عشان يهاجموا شخص بعينه وللاسف بيبقوا مفقوسين اوي لانهم اكونتات فيك وبيعلقوا نفس التعليق حاجة في منتهي الوضاعة الحقيقة".
وأضاف :"حسبي الله ونعم الوكيل في اي حد بيحاول يضيع تعب غيره وعلي فكره انا عارف انت مين واهدي علي نفسك ووفر فلوسك ومتخليش شيطاني يطلع".
