تدّخلت الفنانة مها أحمد، في الأزمة الأخيرة بسبب إيقاف الشركة المتحدة للخدمات الإعلامية، للتعامل مع المخرج محمد سامي، بعد الانتقادات الجماهيرية التي تم توجيهها إلى مسلسله الأخير "نسل الأغراب"، وذلك بحديث غير مباشر عن نجمي العمل أحمد السقا وأمير كرارة.
وقالت مها أحمد عبر صفحتها على فيس بوك :"عوضي على الله دى الجملة اللى دايما بقولها لما اتصدم في أشخاص.. الحكاية يا سادة نجمين عملوا مسلسل واتنجمت عليهم بنوتة لسه ألف باء وطلعوا كمان مبيقروش اللى بيمثلوه وربنا يركب عليهم بنوتة سنه اولى تمثيل وخبرة".
وأضافت: الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل واديتهم على قفاهم وركبت عليهم إلى أن اصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أي زميلة لهم أقربها أنا.. النجم الأولانى بيني وبينه عيش وملح وزمالة.. رشحت في مسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحدة مبتدئة المفروض أنه عارف قيمتى الفنية وعارف أنى إضافة له اتهرب منى.. وموقفش جنبى وباعنى رغم أن الكل عارف أنى زى أخته (ندل(
وتابعت :"أما التانى كان في بداياته يتمنى يسلم عليا ويقولى يا أستاذة.. نزلت من نفسى وقلتله مش هنشتغل مع بعض ما هى الحوجة مرة، رد وقالى الدور بينادى صاحبه.. طبعا محكلكوش قد ايه ندمت نفسى وعشت أسود أيام حياتى عياط واكتئاب.. وقلت "عوضى عليك يارب".. تمر الأيام والاتنين يعلو ويتجمعوا مع بعض في مسلسل واحد "على عينهم طبعا".. ويمثلوا وحش قوى.. تمثيل الكفار.. وطلعوا كمان مبيقروش اللى بيمثلوه.. وربنا يركب عليهم بنوتة سنة أولى تمثيل وخبرة ويتحول المسلسل والدعاية الدراما كاملة لصالحها.. وهما مخدماتية للأستاذة".
واختتمت مها أحمد: يمهل ولا يهمل أبدوا من جديد يا أوفر تمثيل.. ياللى مبتقروش يا كمبارس جنب النجمة.. نصيحة بلاش تتشطروا على اللى كان بينكم وبينهم عيش وملح.. بلاش تتشطروا على اساتذتكوا.. عوضنا على الله.. يارب ما تحوجنا لحد حتى ولو كان أقرب الناس لينا.
