شهدت الساعات الماضية، اشتعال الحرب الكلامية بين جمهور كل من الفنانتين حورية فرغلي، وأمينة خليل، وذلك بعد الخلاف الأخير بينهما بسبب صلة القرابة بينهما.
البداية كانت بتصريح الفنانة حورية فرغلي أنها ترتبط بصلة قرابة مع أمينة خليل، وقالت: "والدتها هي ابنة خالة والدتي، وهي لم تتحدث معي إطلاقا ولا أعرف السبب، فنحن أساسا لسنا قريبين من بعضنا والعلاقة غريبة بيننا"، وتابعت أنها تجد منها معاملة باردة لا تتناسب مع صلة القرابة.
وبعد ذلك ردّت أمينة بأن العناوين المتداولة عن هذا الموضوع غير دقيقة تمامًا، وأكدت أيضًا أنه لا يوجد تواصل أو معرفة بينهما سواء قبل دخولهما المجال الفني وشهرتهما فيه أو بعده حتي، ما دفع حورية إلى التعليق مجددا بقولها :" أنا مقلتش إنها بنت خالتي.. أنا عارفة إنها قريبتي وقريبتي من بعيد، والعلاقة مش قريبة قوي، لأن أنا كنت طول عمري عايشة بره، بس فرحت قوي إن في حد في الوسط الفني معايا، وكنت أتمنى أنا وهي نبقى قريبين من بعض، بس للأسف إحنا مش قريبين من بعض، وحاولت بس هي مش عايزة".
وفي الأثناء، اشتعلت المناقشات بين جمهور الفنانتين على مواقع التواصل الاجتماعي، حيث اعتبر البعض أن حورية تحاول لفت الأنظار إليها من خلال الحديث عن أمينة، في حين اعتبر البعض أن أمينة كان من المفترض أن تتعامل مع حورية بشكل أفضل بعيدًا عن التعمل ببرود، بحسب قولهم.
وقالت احدى النشطاء على فيس بوك:"بجد مش عارفة وفيها ايه لما تقول انها قريبتها وكانت جبرت بخاطرها هي مين يعني وحوريه فرغلي تشرف مش تقرف لاء طبعا امينة دي غلطانة وواخده قلم في نفسها كانت قالت مثلا ايوه هي قربتي واتشرف بيها حتي لو كان كلمها مش صح جب الخواطر علي الله"
وأضافت أخرى :" ياجماعة من حق الناس أنها تسأل على بعضها وتجبر بخاطر بعضها المفروض كل واحد قصر فى السؤال عنها يتصل بيها ويجبر بخاطرها وخصوصا قريبتها أمينة هى مش عايزة حاجة من حد غير السؤال عنها فقط عشمانة فيكوا ربنا سبحانه وتعالى قال إذا عاونك أى زرتم لوجدتمونى عنده".
وتابع أحد المعلّقين :" يا ستي هي حره وكل واحد حر انتي متعشمه في الوسط الفني وانتي اصلا كنتي طلعه جديد ولسه مكونتيش تاريخ معاهم والأجدر بالصداقه الناس اللي كنتي عايشه معاهم طول حياتك برا مصر في الامارات او انجلترا ..مش معقول مثلتي مسلسلين وفيلمين وعايزه كل اللي مثلتي معاهم يبقوا أصدقاء زي اصدقاء الطفوله".
وقالت أخرى :" حوريه متعمليش كده في نفسك بطلي تقللي من نفسك و تفضلي تقولي محدش سأل عليا و محدش بيحبني و محدش بيقرب مني ، صدقيني ده الانطباع اللي هيفضل جوا الناس فعلا و هيفضلوا يتعملوا معاكي عل اساس ده ، انتي اكبر من كده بكتير كبري من نفسك علشان الناس تكبرك ، محدش دلوقتي بيجي بجو الصعبنيات ده انتي مش محتاجه لحد ربنا معاكي اكبر و اقوى من الكل."
