حرصت الفنانة منال سلامة على دعم الفنان شريف دسوقي بعد إجراء عملية جراحية لبتر إحدى قدميه، أمس الإثنين.
ونشرت منال سلامة صورة لشريف دسوقي على صفحتها عبر "فيسبوك" وعلقت عليها بقولها: "أنا معرفش الأستاذ شريف شخصياً، أول مرة أشوفه كان في فيلم ليل خارجي في مهرجان القاهرة السينمائي، فرحت بيه قوي وتوقعت أنه ياخد جائزة وفعلاً أخد الجائزة وفرحتله أكتر، وبدأ مشواره الفني في المسرح من زمان لكن جاتله الشهره متأخرة".
وأضافت سلامة: "زعلت عليه لما شوفتله حديث بيتكلم عن انهم اتهموه انه بيدعي المرض وبيتأخر علي التصوير لانه بيطالب بحقه، حسيت انه مظلوم لانه للأسف هي دي مهنتنا اسهل حاجه انهم يتهموك في شغلك عشان تقعد في البيت كنوع من العقاب عايزين الناس بلا كرامه وللأسف مفيش قانون بيحمي الفنان صدقتوا دلوقتي انه مريض فعلًا ربنا يشفيك يا استاذ شريف ويقومك بالسلامه وترجع تمتعنا تاني بفنك الجميل لانك لك خصوصيه مشفنهاش من ايام الابيض واسود ادعوله بالشفاء".
وأجريت له جراحة بسبب وجود جرح في قدمه اليسرى، وساءت حالته بشكل كبير، فاضطر الأطباء على إثرها أن يقوموا ببتر قدمه من أسفل ركبته، مشيرة إلى أن حالته استقرت في الوقت الحالي بعد إفاقته من المخدر الذي حصل عليه.
وكان شريف دسوقي طالب نقابة الممثلين بالتدخل لحل أزمته أثناء تصوير فيلم "وقفة رجالة"، مؤكدا أنه أصيب بسبب العمل، وتقدم بشكوى ضد منتج الفيلم، ورغم الوصول لحل ودي لم يتم تنفيذ الاتفاق.
