تداول عدد من النشطاء على موقع التواصل الاجتماعي، منشور كتبه شخص يدعى مرقس عادل، كشف فيه عن تعرّض طفلته إلى التنمر ورفض قبولها بأحد المدارس في إدارة روض الفرج بسبب شكل شعرها.
وقال الأب عبر صفحته على موقع التواصل الاجتماعي "فيس بوك": "يؤسفني إني أقول ان نفسية بنتي (مارلي مرقس عادل) اتدمرت بسبب التنمر وان المدارس بقي ليها شروط معينة فالطفل غير المتعارف عليها"، وأضاف: "الطفلة مستواها كويس جدا في التقييم انجليزي وعربي ومهارات بس المشكلة في (شعرها)".
واصل: "أيوة زي ما قريتم كده "شعرها"، إن شعرها كيرلي ومش ناعم الميس خرجت تقول إن الكومنت الوحيد على البنت (شكلها مش حلو) بصيتلها باستغراب وبصيت للبنت أتأكد من لبسها وشكلها قالتلي شعرها ومسكته بأيديها وهي مستاءة قلتلها شعرها طبيعته كده".
وتابع مرقص: "المهم مطولناش عشان الكلام كان قدام الطفلة بس طبعًا الطفلة كانت سامعة ومركزة في كل ده البنت رجعت مضايقة ونفسيتها وحشة جدًا بأي منطق يتسببوا في أذي نفسية طفلة بالشكل المؤسف ده ازاي يبقي تقييم الطفل يبقي من خلال شكله او شعره ازاي يتنمروا عالطفلة بالشكل ده ازاي تتكلمي كده قدام الطفله ازاي ازاي ازاي".
واختتم الأب: "ياريت بجد كفاية ضغوط على الأسرة والطفل في تقديمات المدارس احنا مش داخلين حرب".
