شاركت الفنانة أيتن عامر جمهورها بصورتين عبر موقع التواصل الإجتماعي "فيسبوك" معلقة عليها قائلة: "اللى بيحبك هيصورك ويبين أحلى ما فيك، خلوا حبايبكم اللى بجد يصوروكوا يا جماعة".

وأضافت: "شكرا يا عمر على الصورتين الحلويين دول وبعد كدة ابقى اسمع كلامي عشان الصورة تطلع حلوة" وتابعت لو كل واحد فينا مش عارف إيه الحلو اللي فيه مش هيشوف حاجة حلوة أصلا.. هو البوست طلع عميق وأنا مش واخدة بالي ولا إيه !؟ لا شابوه والله".

ويذكر أن آخر أعمال الفنانة أيتن عامر هما مسلسل «كوفيد 25» والذي جسدت فيه شخصية «نهال»، المسلسل بطولة كلا من الفنانين يوسف الشريف، أيتن عامر، إدوارد، ميدو عادل، ميرنا نور الدين، راندا البحيري، إيناس كامل، ديانا هشام، أحمد صلاح حسني، عبدالله حسن، أمير صلاح الدين وأحمد جمال، تأليف إنچي علاء، وإخراج أحمد نادر جلال، وإنتاج شركة سينرجي.

كما شاركت أيتن في مسلسل «وكل ما نفترق» الذي جسدت فيه شخصية "حنين مخلوف"، المسلسل بطولة كلًا من الفنانين ريهام حجاج، وايتن عامر، وأحمد فهمي، ورانيا يوسف، وعمرو عبد الجليل، ومحمد الشرنوبي، وعدد آخر من الفنانين وهو من تأليف محمد أمين راضي وإخراج كريم العدل".

وفي سياق متصل، كانت قد أعلنت الفنانة أيتن عامر عبر صفحة موقع التواصل الاجتماعى فيسبوك خلافها مع الفنانة ريهام حجاج بسبب مسلسل "وكل ما نفترق"، مطالبة بعدم الإشارة لاسمها في أي أمر بخصوص الأزمة الأخيرة.

وكتبت أيتن عام: "يا جماعة محدش يعملى منشن تاني في أي حاجة تخص الشغلانة دي من فضلكوا.. مش عايزة أفتح الموضوع ده تاني"، مضيفة: "اللي عايز يصفي حساباته مع حد يروح يصفيها.. كل واحد موقفه اتعرف واتكشف والحقايق كلها بانت.. مش مسموح لأى حد أيا كان مين هو يطلب منى حاجة مش من حقه.. وكل واحد يشيل شيلته ويتحمل نتيجة كلامه ووعوده".