قالت النائبة جليلة عثمان، عضو لجنة القوى العاملة بمجلس النواب، إنها ستتقدم بطلب إحاطة لوزير الصحة، بعدم اعتبار تطعيم الأنفلونزا للمعتمرين إجباريا، وأن يكون اختياريا، نظرا لتحصيل وزارة الصحة مبلغا بقيمة 50 جنيها عنه، رغم أنه أرخص من ذلك ولا يتجاوز 32 جنيها.

وأضافت "سأتقدم بطلب إحاطة لوزير الصحة، عشان الجباية اللي بتاخدها مكاتب الصحة من المعتمرين في صورة تطعيم أنفلونزا إجباري من كل معتمر، وهذا الطعم موجود في الصيدلية الخاصة وأرخص من مكاتب الصحة وثمنه 32 جنيها فقط"، متسائلة: "ليه تفرضه عليا بشكل إجباري وعشان تكتمل أوراقي كمعتمر لازم يشمل شهادة صحية وصل ثمنها 125 جنيها، منها 75 جنيها لتطعيم التهاب سحائي، و50 جنيها تطعيم أنفلونزا".

وتابعت: "تطعيم الأنفلونزا كان زمان اختياري، وإنك تعمله إجباري وبـ50 جنيها فدا اسمه جباية، وبعدين مفيش حد بيروح عمرة ويرجع من غير ما ياخد أنفلونزا، أما بالنسبة للالتهاب السحائي فهو خطير جدا وضروري أن يأخذ المعتمر تطعيمه".