أعلنت السيدة هدى بدر، والدة الطفل رشيد، الذي اجتاحت قصته مواقع التواصل الاجتماعي خلال الأيام الماضية، عن جمع مبلغ الحقنة التي يحتاجها طفلها لإنقاذ حياته.
وقالت بدر عبر صفحتها على موقع التواصل الاجتماعي فيس بوك: "الحمدلله، تم تجميع المبلغ بالكامل! وعدتونا ووفيتم... شكرا ليكم! لما رشيد اتشخص بمرض الSMA وعرفنا ثمن الحقنة اللي محتاجها، سلمنا أمرنا لله ودعينا ربنا يقوينا على الاختبار دة.. متخيلناش ابداً اننا هنوصل للحظة دي وإن حكمة ربنا تكون إن رشيد يخلق الحالة دي من التكافل الإجتماعي والحب والخير والأهم ان الناس تتعرف عن المرض دة ويبقى في أمل لأطفالنا إنهم يتعالجوا بفضلكم".
وأضاف: "شكرا لكل اللي دعم رشيد.. لان رشيد بسببكم هياخد الحقنة وان شاء الله أطفال كتير من بعده! دعواتكم نبدأ رحلة العلاج الأسبوع دة وتفضلوا معانا خطوة بخطوة لحد ما نتطمن عليه، شكر خاص لEFG Hermes، المؤسسة الوحيدة اللي اتبرعت لرشيد وبقيمة ضخمة كمان (2,5 مليون جم). أنقذتونا على أخر لحظة وخلتونا متستناش وقت أطول".
وواصلت: "وأخيرا شكر واجب لكل موظفين البنك الأهلي المصري وCIB وفوري اللي حرصوا على ان التبرعات تتم بأسهل طريقة ممكنة وكانوا بيشتغلوا بكل حب وحماس لدعم رشيد".
واستطردت: " حابين نستغل الفرصة دي ونوصي نفسنا أولا ونوصيكم، نبذل نفس المجهود وأكتر لليال وآسر. ثقتنا فيكم إننا نقدر في نفس الفترة، وأقل كمان، نجمع نفس المبلغ لكل واحد فيهم عشان ياخدوا الحقنة، ومن بعدها إن شاء الله باقي الأطفال مصطفى وهاندا وغيرهم.
