تحوّلت الأزمة التي اندلعت بين حلا شيحة والفنان تامر حسني، إلى مادة خصبة للتعليقات الساخرة، والكوميكس التي تداولها بكثرة رواد مواقع التواصل الاجتماعي، والذين انتقدوا بشكل ساخر مواقف حلا المترددة من حيث العمل في الفن أو التوبة وتحريم الفن,
وأثارت الفنانة حلا شيحة حالة من الجدل بين رواد السوشيال ميديا، بعدما تبرأت من أعمالها الفنية وأكّدت أن عودتها إلى التمثيل كان غلطة ندمت عليها، كما تحدثت عن الفنانين واعتبرت أن فتنة الشهرة هي التي تحركهم.
وهاجم بعض مستخدمي السوشيال ميديا، حلال شيحة التي أعلنت قبل سنوات عن اعتزال الفن وارتداء النقاب بعد زواجها من داعية إسلامي كندي، ثم عادت إلى التمثيل وخلعت النقاب بعد طلاقها منه، وحاليا تكرر القصة بعد زوجها من الداعية معز مسعود، وايتخدموا في ذلك الميمز والكوميكس للسخرية من ترددها.
وعبر إنستجرام، نشرت حلا صورة تحمل عبارة "مش أنا"، وعلقت عليها بقولها :"انا اتفاجئت جدا بنزول كليب يجمع فيه مشاهد متفرقة من الفيلم وفي ايام ذي الحجة ايام مباركة وخصوصاً بعد اخر بوست نزلته ووضحت فيه انا ايه.. واتفاجئت اكتر خصوصا بعد وعد تامر حسني ليا وتأكيده انه هيحترم رغبتي وبعض الطلبات اللي طلبتها منه بكل احترام وود الصيف اللي فات واكدلي انه هيحترم رغبتي".
وأضافت :"احنا يمكن نجحنا بمقاييس الدنيا بس صدقوني بمقاييس ربنا احنا لم ولن ننجح، انا عارفة ومتاكدة ان زملائي جواهم خير بس للأسف فتنة الشهرة والنجاح مش بتخلينا نشوف ونقيس الامور صح، بتكلم من قلبي الكليب ده ميرضيش ربنا وانا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسى".
وتابعت :"انا مش حتكسف من حد انا تبت من المشاهد دي وهي لا تصح وانا غلطت وبصلح واهم حاجة ان ربنا يرضى عني لان في الاخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليل منا، الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
وواصلت حلا: "احنا كلنا عندنا امتحان في الدنيا دي وحابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك وجوانا كلنا، شوفه تاني يمكن يفكرك ان جواك اكيد في صراع وانا وكلنا كلنا بنغلط بس المهم في الاخر نتدارك الغلط ونصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
