توجهت الفنانة سوسن بدر بالدعاء للفنانة ياسمين عبد العزيز بعد دخولها المستشفى، وكتبت عبر خاصية الأستوري بموقع التواصل الأجتماعي "إنستجرام"، " اللهم البسها ثوب الصحة والعافية عاجلا غير اجلا يا أرحم الراحمين".
وكتب وائل عبد العزيز عبر حسابه بموقع "فيس بوك" :" أنا كل اللى هقدر اقوله دلوقتى ادعو لياسمين حالتها خطرة".
وكان آخر ظهور للنجمة ياسمين عبد العزيز من غرفة العمليات قبل إجرائها عملية جراحية في أحد المستشفيات الخاصة.
وسبق وأن نشر الفنان أحمد العوضي، بشر صورة له تجمعة بزوجته الفنانة ياسمين عبدالعزيز، على حسابه عبر "فيس بوك"، وعلق قائلاً: "يمكن ببان قدامكم دايما قوي، لكن الحقيقه انا دلوقتي اضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامه".
وتابع أحمد العوضي قائلاً: "انا لاول مره اكتب من غير ما اكون مفكر انا بكتب ايه وهكتب ايه، بس انتي هتقومي ان شاء الله باذن الله عشان انتي وعداني وعد وهتتفذيه، انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا".
وأضاف أحمد العوضي: "لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك، قومي عشان انا بحبك، بحبك اكتر بكتيير من كل الكلام اللي انا كتبته، اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي، انا بحبك، ادعولها تقوم بالسلامه زي ما انتو دايما بتدعولها بالنجاح والتوفيق، هي دلوقتي محتاجه دعواتكم".