نعى الفنان هاني رمزي، الفنان الراحل سمير غانم، كاشفا سر وقوف أبطال مسرحيته الجديدة أبو العربي، دقيقة لى روح الراحل قائلًا: "سمير غانم منفرد وملوش مثيل، مطلعش قبله ولا بعده، ومفيش حاجة هيبقى اسمها سمير غانم نامبر 2"، مهديًا إياه المسرحية.
وأضاف في تصريحه، أن الفنان الراحل حفر اسمه في قلوب الجميع، مؤكدًا أنه فخور بالعمل معه لأنه كان شخصًا رائعا للغاية: «حفر في قلوبنا وشخصياتنا كفنانين حاجات كتير جدا، اشتغلت معاه في بدايات حياتي، في فيلم سينمائي وكنت وجه جديد، لكنه احتضنني ووقف جنبي وسافرنا مهرجانات بعدها وأكلنا عيش وملح».
وتابع: "رغم نجومية سمير غانم إلا أنه كان من سني ومحستش إنه أكبر مني ولا جم عني، لأنه كان صديق كل الناس ومتواضع لأبعد الحدود، كلنا تلامذته وكان أقل حاجة إننا نقف دقيقة حداد ونعلق صوره على واجهة المسرح وجوه المسرح والاستيدج، ونقوله يا رب يقدرنا إننا نبقى تلاميذك بجد».
وقال رمزي: «مفيش حاجة اسمها سن، سمير غانم مكنش بيعترف بسنه، وكان بيهزر مع الناس، عمري ما شفته مكشر في لحظة أو زعل من حاجة، مكنش عنده مشاكل، كان بيحب الناس الصغير قبل الكبير، وأنا بهدي له المسرحية دي وربنا يقدرنا دايما إننا نبقى تلامذته».