هاجم مطرب المهرجانات حمو بيكا صديقه الفنان عمر كمال، من خلال بث مباشر عبر حسابه علي "فيس بوك"، وجاء ذلك بعد عدة تصريحات جريئة من عمر كمال، ببرنامج "الحكاية" مع الإعلامي عمرو أديب، حيث أكد أن حمو بيكا لا يجيد الغناء.

فقال عمر كمال عن "بيكا": "مبيعرفش يغني هو كاركتر بس"، ليظهر بعدها رد فعل المطرب حمو بيكا، والذي قال من خلال البث المباشر: "أنت بتقول إنك بتجيب مشاهدات 70 أو 80 مليون مشاهدة.. نسيت لما كنت بتعمل أغنية مش بتجيب 10 آلاف مشاهدة أصلا.. أنت طالع تقول عليا إني مش بعرف أغني!!".

وتابع: "خلاص سيبت لك الغناء.. نفسي الناس تشوفك وأنت واقف قدام المايك بتسجل أغنية.. توبة إني أغني مع شخصية زيك.. ولا أعمل معاك حاجة تاني".

وأضاف: "طالما بتقول عليا مبعرفش أغني.. أومال أنت جيت لي ليه في الأول خالص.. واستقبلتك وضايفتك وأول تراك عملته معاك نجح.. وكنت كل ما تقعد معايا تقولي أنت يافطة المهرجان.. أنت كنت بتشتغلني مثلاً!!.. طالع دلوقتي قدام الناس تقول حمو مش بيعرف يغني!!".

كذلك تحدث مطرب المهرجانات حمو بيكا عن خلاف عمر كمال مع الفنانة سمية الخشاب، حيث قال: "طلعت خبط في الفنانة سمية الخشاب برده، أنت مش بيطمر فيك أي شئ.. رغم إنك مفروض تقول الحمدلله إن النجمة نزلت لك وكتر خيرها.. ولو الأغنية جابت 100ألف، كويس مش وحش.. الأغنية مش بالملايين والأرقام، أهم حاجة تشتغل في الشارع".