أثار مطرب المهرجانات الشعبية، حمو بيكا، حالة من الغضب والسخرية بين الجمهور على مواقع التواصل الاجتماعي، بعد تصريحات صادمة تحدث فيها عن رأيه في الخمور والمخدرات .
وقال حمو بيكا في أحد برامج في قناة الحدث اليوم إنه لا يتناول المخدرات كما يقول البعض ولكنه يشرب الخمر بين حين والآخر، مؤكدًا: “ما فيش حد في مصر مبيشربش ويسكي”.
وتابع بيكا “أنا بقالي فترة كبيرة مبشربش أي حاجة بسبب معدتي بايظة خالص، بقالي 3 شهور مبطلها، وحتى لما كنت بشرب مش دايمًا على طول، كل عشرين يوم في مناسبة مثلا، أنا بنصح الناس متقربلهاش عشان هتسبب مشاكل في المعدة عندهم”.
ومن جانبهم هاجم رواد السوشيال ميديا، بيكا، فقال أحدهم :" على آخر الزمن هناخد حكم من حمو بيكا ومش بينصح الناس عشان حرام لا دا بيقولهم عشان المعدة"، وأضاف آخر :" بدل متخاف من عقاب ربنا خايف على معدتك لا حول ولا قوه إلا بالله زمن المسخ إحنا في كابوس"، وتابع ثالث :" يعني مش عشان حرام وربنا بيلعن شاربها وساقيها وبائعها ومبتاعها وعاصرها ومعتصرها وحاملها والمحمولة إليه ؟؟ تؤتؤتؤ عشان بتبوظ المعدة".
وواصل أحد النشطاء على فيس بوك :" يعني بتنصح الناس علشان خايف على معدتك ومش خايف من عقاب ربنا يا ساتر يارب"، وتابع آخر :" الحمد لله الذي عافانا مما ابتلى به كثيراً من خلقه.. يا سيادة الفنان الخمر حرام شرعاً بالقرآن والسنة .. اتقي الله ولا تفترى على المصريين فمعظمهم بفضل الله لا يعرف لهذه القاذورات طريق".
