تعرّض الفنان محمد هنيدي إلى هجوم واسع عبر مواقع التواصل الاجتماعي، بسبب رسالة من فنانة أمريكية اتهمته بالتنمر عليها، والتسبب في تلقيها رسائل كراهية أدت إلى تدهور حالتها النفسية وإصابتها بالاكتئاب وهي في أيام حملها الأخيرة.
البداية كانت الأسبوع الماضي، حينما نشر هنيدي صورة للفنانة الأمريكية تايلورستين جولد، وبجانبها صورة له من شخصية -العاهرة- التي أداها بفيلم "جاءنا البيان التالي" وقال "بعيد عن الشبه بس ليه أدخل بروفايلها علشان أعرف مين دي ألاقيها مدياني بلوك"، وسخر منها وقال يلااا ما هي الكيميا كدشة غدارة". ما تسبب في تعرض الفنانة إلى حملة تنمر واسعة، ما جعل رواد السوشيال ميديا يطالبون هنيدي بالاعتذار.
وقالت تايلورستين جولد في رسالة إلى هنيدي عبر حسابها على إنستجرام : "أهلًا.. أنا البنت اللي في الصورة.. عملت لوك مستوحى من النجمة مايلي سايروس؛ وكنت فخورة بيه.. اللوك ده مش مستوحى منك، أنا ما عنديش أي فكرة أنت مين. أنا عايشه في أمريكا".
وأضافت " أنا مسحت البوست وعملتلك بلوك عشان أنا حامل في الشهر الـ 8 وصحيت من النوم على أكتر من ٣٠٠٠ رسالة كـراهية وشتـايم بخصوص البوست، الناس بيبعتوا يقولولي إني وحـشة، راجـل، عـاهرة، اللعـنة عليك، وشتـايم أكتر بكتير".
وتابعت "لأنك نشرت ده.. مش بس حسابي الشخصي اللي بيتعرض للهجوم، ولكن كمان حساب شغلي اللي تعبت كتير عشان ينجح، أنا أم.. فنانة.. امرأة كبرت من ولا حاجة وكنت بلا مأوى وعافرت بنفسي عشان أوصل للمكان اللي أنا فيه دلوقتي، أنا ما أستحقش الشتايم اللي الناس بتشتمني بيها دي".
وقالت: "انهاردة حسيت بالطاقة دي وقت ما عملت أشعة فوق صوتية 5D لبنتي ولقيتها مش بتتحرك كتير زي المعتاد، وأتمنى الرسالة دي تخليك تنشر اللطف وتساعد في إنهاء التنمر".
واختتمت: "أنا بعاني من اكتئاب واضطراب قلق وملازمة السرير بسبب قرب معاد ولادتي ولأني فشلت في اختبارات الإجهاد؛ اللي حصل ده ما عملش حاجه غير إنه زود وجع قلبي."
وبعد نشر الرسالة اعتبر بعض المتابعين أن هنيدي سقط في فخ التنمر على السيدة، في حين دافع عنه آخرون وأكدوا أنه ليس مسئولا عن أي أزمة تعرضت لها الفنانة الأمريكية".
