نشرت الفنانة أسما شريف منير صورة عبر حسابها الرسمي "بـإنستجرام" تجمع بينها وبين الفنانة الراحلة دلال عبدالعزيز وعلقت عليها قائلة: "في الحلقة دي إتعلمت حاجات كتير عن الصداقة، الله يرحمها كانت صديقة بـمعني الكلمة، وعرفت عنها قد أية هي صاحبة واجب".

وتابعت أسما قائلة: "مفيش عزاء مكنتش فيه، وعشان كدة عزاءها كان مليان ناس بتدعيلها وبتحبها بجد مش واجب وخلاص،  سيرتها طيبة ودة واضح للكل، بناتها شبهها طيبين،  كانت زوجة وأم عظيمة وست جميلة وكل الناس بتحبها، ودة كلنا عرفنا من كل الفيديوهات وكلام كل الناس عنها، كلنا هنمشي دي الحقيقة الوحيدة، لازم نفكر هنسيب أية لما نمشي، وإزاي الواحد ممكن يسيب سيرة طيبة عشان الناس تدعيله".

واختتمت أسما كلامها بالدعاء لها قائلة: " اللهم أرحم تلك النفس الطيبة التي فارقت الدنيا، وإنتقلت إلي جوارك اللهم إجعلها في الفردوس الأعلي من الجنة، ربنا يصبر الاهل كلهم لأنه وجع رهيب ووقت قصير، إختبار بجد صعب ربنا يجبر بخاطرهم".

ورحلت الفنانة القديرة دلال عبد العزيز عن عالمنا يوم السبت الماضي، متأثرة بأزمة صحية شديدة ، وأعلن الفنان حسن الرداد وفاتها عبر حسابه علي "إنستجرام"، مستخدمُا عدة كلمات مؤثرة وقعت بثُقل علي قلوب جماهيرها الكثيرة، حيث كتب: "والله ما قادر اكتب ولا مصدق.. توفيت الي رحمة لله تعالي حماتي وأمي الغالية الفنانة الكبيرة دلال عبد العزيز.

وتابع: "أطيب خلق الله، عمري ما شفت منك غير كل خير ياحبيبي، ربنا يغفرلك ويرحمك ويجمعنا مع بعض في الأخرة، عايز أقولك انك هتلاقي مفاجاة حلوة مستنياكي، هتلاقي حبيب عمرك اللي طول الوقت بتسألي عليه"، واختتم: "هتوحشينا قوي يا أمي، ربنا يجمعنا مع بعض في الأخرة".