حققت أغنية "تك" لـ محمد حماقي، نجاحا كبيرا حيث وصلت نسبة مشاهدة الأغنية مليون ونص مشاهدة بعد يومين فقط من طرحها عبر القناته الرسمية على موقع نشر الفيديوهات الشهير"يوتيوب" كما تتصدر حالياً التريند رقم 5 باليوتيوب.

أغنية "تك"من كلمات أمير طعيمة، والحان عمرو مصطفى، وتوزيع وميكساچ توما، وديچيتال ماستر طارق مدكور، وطبلة احمد عيادي، وناي أحمد خيري، وجيتار مصطفى نصر.

وتقول كلمات الأغنية: حبيبي داس على قلبي تك.. وأنا يا ناس كده ع المحك.. ومابقاش في عندي شك..خلاص ملكني هواه..ده أنا مشيت علشانه عكس..على زمان علمت اكس..ولو اعيش وياه في حبس..هقول دي أحلى حياة..بدوب ادوب ادوب من عينيه..وانسى روحي بين إيديه..قلبي داب م اللي اسمه إيه..وخلاص مسلّم ليه..حبيبي داس على قلبي تك..وأنا يا ناس كده ع المحك..ومابقاش في عندي شك..خلاص ملكني هواه..أنا زمان كان عندي كبر..مابمشيش للحب شبر..ليه مابقاش كده عندي صبر..وليل نهار بناديه..ياما سنين عِشت في قلق..قابلته الموضوع فرق..كده خلاص لموا الورق..ده مافيش كلام بعديه..بدوب ادوب ادوب من عينيه..وانسى روحي بين إيديه..قلبي داب م اللي اسمه إيه..وخلاص مسلّم ليه..حبيبي داس على قلبي تك..وأنا يا ناس كده ع المحك..ومابقاش في عندي شك..خلاص ملكني هواه".

وكان محمد حماقي طرح منذ عدة أيام أغنية بعنوان "لو هتسيب"، على قناته الرسمية بموقع تبادل الصور والفيديوهات العالمي "يوتيوب"، و حققت نجاحا كبيرا، حيث وصلت نسبة مشاهدة إلي 7 ملايين و782 ألف مشاهدة عبر "يوتيوب".

وتصدر الفنان محمد حماقى، توب أنغامى بأغانى " لو هتسيب" من ألبومه الجديد "يا فاتني"، حيث تصدرت المركز الأول، بينما حصدت المركز الرابع أغنية "تك".

"لو هتسيب" من كلمات تامر حسين، ألحان وتوزيع وميكساچ أحمد إبراهيم، ديچيتال ماستر طارق مدكور، تاليف وتريات سعيد كمال، إخراج أحمد نادي.