كشفت الفنانة الشابة إيمي سمير غانم، حقيقة خبر مرضها الذي انتشر في الفترة الأخيرة، مؤكدة أنها أصيبت بالأنيميا وضعف في المناعة، وزيادة انزيمات الكبد، وبسبب ذلك لزمت البيت لمدة 3 أشهر، مضيفة: "أنا عشان فرفورة مش بستحمل التعب والمرض ومناعتي ضعيفة».
وقالت خلال لقائها ببرنامج «تع اشرب شاي»، المذاع على فضائية «DMC»، تقديم الفنانة غادة عادل، أمس الاثنين: «الموضوع بدأ بعد لما سافرت علشان أحضر فرح عمرو يوسف، ولما رجعت لقيت الإنترنت كله بيتكلم على إني حامل، فاتضايقت وتعبت وفضلت قاعدة في البيت 3 شهور، وأخدت عين وحشة والناس تقر عليا، والناس اللي بتقول عليا حاجه وحشة دي ناس شريرة».
وأضافت: «أنا مش عندى أكونت على فيس بوك، لكن بعرف الأخبار من أصحابي، وبكره السوشيال ميديا بسبب الأخبار دي، الفن على قد ما هو جميل وحب الناس جميل إلا أنه مؤذي لحياتي الشخصية خصوصًا كبنت».