نشر شاب عبر إحدى صفحات الشكاوى على موقع التواصل الاجتماعي فيس بوك، رسالة يتحدث فيها عن سبب غريب وراء قيامه بإنهاء مشروع زواجه من فتاة، بسبب ارتفاع أسعار مسحوق الغسيل، ما دفع رواد الموقع إلى الهجوم عليه وعلى من هم على شاكلته.
وجاء نص الرسالة :خطيبتي كانت مجهزة قبل الخطوبة وكانت جايبة الغسالة فول إتوماتيك وغسالة الأطباق عشان بيجيلها إكزيما فى الشتا ومش بتقدر تغسل مواعين خالص ودلوقتى بعد خطوبة سنتان و خلاص كتبنا القايمة انا جيت اعترض على غسالة الفول إتوماتيك وغسالة الأطباق وبقولها أنا مش هدفع حق المسحوق بتاعهم غالى وبيسحبوا مية كتير والجوازة وافقة على حق المسحوق بعد الجواز فباباها بيقولها أنا هبقى أدفعهم عشان مش بعد كل المدة دى تبوظ الجوازة فدلوقتى هيا مش عاوزة تسمع كلام باباها ومش عاوزة تكمل عشان هى بتقول انها قفلت مني و احنا مكتوب كتابنا كل ده انا مش ملزوم بحق المسحوق عشان غالى".
وسخر رواد السوشيال ميديا من الشاب ومن التعليقات التي جاءت على رسالته :" الحب في زمن المساحيق"، و" ربنا يشفيك يارب من التلاكيك علي الحاجات البسيطه دي وعندها حق انها تقفل منك لانها لسه علي البر معاك"، و" يعني انت ماشاء الله كل مشاكلك محلوله وواقف عالمسحوق بتاع الغسيل ماشاء الله بجد وبتزعلو لما بنقتلكو"، و" اجل جواز يا ابنى لحد ما تكبر وتفهم ان بيتك ملزوم منك ولحد ما تقدر تجيب مسحوق الحكاية مش ناقصة مرار طافح وترجعوا تزعلوا لما تتقطعوا وتتعبوا ف أكياس".
