على الرغم من مرور نحو 23 عامًا على عرض المسلسل الشهير "الضوء الشارد"، إلا أنه عاد في الفترة الأخيرة من جديدة إلى مناقشات الجمهور عبر مواقع التواصل الاجتماعي، والذين اعتبروا أن المسلسل ظلم إحدى الشخصيات وأظهرها في دور الشرير على الرغم من أنها لم تكن كذلك، في حين انصف بطلة العمل التي كانت تتسم بالخبث، بحسب قولهم.
وانتشرت العديد من المنشورات والتويتات عبر مواقع السوشيال ميديا، والتي تدافع عن شخصية "نفيسة" التي قدمتها الفنانة رانيا فريد شوقي، وتعتبر أنها الشخصية المظلومة وأنها كانت ضحية وليست شريرة كما أظهرها المسلسل، كما ظهرت الآراء التي تهاجم دور "فرحة"، الذي قدمته النجمة منى زكي، حيث اعتبروا أنها كانت تتسم بالخبث وعدم الوفاء، حتى أطلق عليها البعض لقب ساخر هو "فرحة الصفرا".
ومن المنشورات المنتشرة عن المسلسل : "الضوء الشارد من اكتر المسلسلات اللي سابت أثر لحد الان وبصمة قوية في الدراما الصعيدية وتعتبر من اقوي اعمال الكاتب الراحل محمد صفاء عامر ومن وجهة نظري كل طاقم العمل بالمسلسل تفوق وبجدارة في أداء الدور المطلوب منة بس الفتره اللي فاتت الناس ابتدت تهاجم شخصية فرحة مع أن الكاتب كان قاصد أننا نحبها وانها كويسة وعسل ورغم كدة الناس شافتها بنظرة مختلفة تماما عن نظرة الكاتب للشخصية يعني شافوها بنظرة الانسانة المستغلة اللي بصيت لراجل متجوز وبدل ما تقرب من سلفتها وتعتبرها اختها قربت من جوزها وخليتة يحبها واستغلت عدم حبة لزوجتة اللي كان ظاهر تماما وزوجتة ( نفيسة ) اللي الكاتب حاول يعرضها بصورة الانسانة الوحشة المستغلة اللي ما تفرقش كتير عن ابوها الناس اتعاطفت معاها وأنها اتظلمت من جوزها ومن حماتها ومن فرحة ومن ابوها ومن كل الناس اللي حواليها ونفس الكلام بالنسبة لرفيع ووهبي لكن أن اتفقنا أو اختلفنا في النهايه ؛ فهذا لا يمنع أن الضوء الشارد من اقوي اعمال الكاتب الراحل محمد صفاء عامر".
ومن التعليقات أيضا :"بجد مش فاهمه ازاى كانوا مطلعين ان فرحه دى طيبه وع نياتها وهى حربوءه ونفيسه نهايتها انها شريره مع انها مظلومه طول المسلسل"، و"قولت كده والله كتير ان فعلا الست اللى تنسي جوزها وتحب اخوه و تحاول توقعه دى ست فاجرة ومينفعش تعاطف معاها بس تغييب للناس وضرب للقيم الأخلاقية بالميديا ده من زمان جدااا"، وأيضا :" ما خطبهاش رفيع بيه و لا لمح لها ورايحة تقول لدكتور فيصل في حد يطلب واحدة من خطيبها !!!ثعباااانة و حية ده دم جوزها كان لسة في التربة".
وعلى الجانىب الآخر :" إيه الكلام العجيب ده نفسيه اه مظلومه بس من أبوها اللي استخدامها في انتقامه وهي وافقت وكملت وفرحة طيبة جدآ ومش ليها في حاجة اصلا ومش تقصد أنها تحب ولا تتحب"، و"نفيسة اكتر واحدة اتظلمت فعلا وكل اللي المسلسل قاصد يحطهم ف ادوار شر كانوا ضحايا".
