سادت حالة من الحزن بين رواد السوشيال ميديا بعد وفاة أشكيناز السبكي والشهيرة بـ( أشكيناز هانم السبكي) فهي بلوجر شهيرة ومتزوجة من شاب سوري الجنسية وتوفيت بعد إجرائها عملية لإزالة ورم حول أحد الشرايين.
ومنذ تناول خبر وفاتها تحولت منصات السوشيال ميديا إلى منصات تعزية ورثاء في حبها بعد وفاتها خاصة أنها كانت شهيرة بالأعمال الخيرية والانسانية وسادت حالة الحزن والبكاء عليها وانتشرت صور لها مصحوبة بدعوات الرحمة والمغفرة لها.
وعبر الكثير من النشطاء على السوشيال ميديا عن حزنهم الشديد لرحيلها من خلال التعليقات والتي جاءت كالتالي:
عمري ما تابعت شخصيه عالفيس واتأثرت بيها الا شيكو حقيقي بوستاتها مبهجه وحياتها مبهجه والمواقف الي كانت بتحكيها مبهجه
في عز تعبها بتضحك وتهرج اسلوب كوميدي بيفوق بيخرجك من الزعل بيغير مودك
حكايتها مع دكتور هادي وعزيز والمس بتاعته وقططهاا وعصافيرها وبيتها ومواقفها وريأكشناتها وفيديوهاتها
ربنا يرحمها ويغفر لها ويسكنها الفردوس الأعلى ويقوي ولادها ويصبر مامتها وجوزها واهلها جميعا يارب
وعلق الأخر تابعٍ في التعليق:
مع السلامه ياست هانم ياجميلة الجميلات ياصاحبه الخير
ف الجنه يا اشكى لنا لقاء وربنا يصبر اولادك وأهلك
وتأثر الرواد على السوشيال ميديا بعد تركها رسالة مؤثرة لها قبل رحيلها بساعات حيث نشرت قبل اجرائها العملية الجراحية رسالة على موقع التواصل الاجتماعي فيسبوك وكتبت:
مش عارفه أجيبهالكو إزاي بس أنا بتحضر دلوقتي علشان أعمل العملية اللي بهرب منها بقالي كتير.. عملولي مسحة كورونا.
وأضافت الخلاصة.. أنا هبقى بين إيدين ربنا كمان شوية، ويا عالم ربنا كاتبلي إيه، بس هو الوحيد اللي عارف إني جاهزة للقائه الكريم، وحابه إنه يشملني برحمته.
وختمت الرسالة أنا ببرأ ذمتي من أي شيء وحش وبسألكم بالله إبراء ذمتكم ناحيتي، عشت معاكو كتير على فيسبوك حبيتكوا قوي وحافظاكوا وعارفاكوا نااااافر نااااااافر، بتمنى لو حد زعلان مني يسامحني، واستروا ماشفتوا مني من سوء، وأتمنى تفتكروني بالخير، استودعتكم الله العلي العظيم.
