انتقد السيناريست أيمن بهجت قمر، الهجوم الذى شنه المطرب الشعبي حسن شاكوش، على زميله رضا البحراوي، مطالبا رئيس الرقابة المصنفات الدكتور خالد عبد الجليل، ونقيب المهن الموسيقية الفنان هاني شاكر، بالتدخل والتحقيق.
شارك "قمر" عبر حسابه على "تويتر" ، فيديو يظهر فيه "شاكوش" خلال حفله الغنائي، وهو يهتف مع الجمهور قائلاً: "رضا جه يا أم رضا"، وعلق "قمر " على القديو قائلاً: "يا خرابه يا ابن ال...... في حفله عامه.. دكتور خالد عبد الجليل.. وأ هاني شاكر.. ياريت تشوفوا الفيديو ده .. بجد عيب اللي حصل ده وماينفعش يعدي".
كما شارك "شاكوش" جمهوره بفيديو عبر خاصية البث المباشر على حسابه على "فيسبوك"، يواجه فيه "البحراوي"، عقب المشكلة التي نشبت بينهما، في حفل الساحل الشمالي، يوم الجمعة الماضية.
قائلاً:"صباح الخير على كل اخواتنا اللي بيحبونا واللي بنحبهم، أنا طالع يا جماعة اتكلم في موضوع يخصني ويخص الأستاذ رضا البحراوي، هو طلع من شوية في لايف بيقول عليه كلام كتير، طب أول حاجة يا جماعة المفروض إن إحنا كان عندنا شغل في الساحل والمفروض إن أنا راجل عندي نمرة، ما ينفعش إن أنا أطلع أغني وألاقي فرقة حطة العدة بتاعتها في نمرتي".
وأضاف: "الأصول إن اطلع نمرتي تكون كل واحد ياخذ حقه، مش ينفع إن أطلع الاقي فرقة جهزت الآلات بتاعتها على نمرتي، وبلغت مرة واتنين إن يا جماعة مش ينفع ولازم تنزلوا ومش عايز حد على المسرح دي حاجة تخصني وحاجة ترجع ليا أنا، دي نمرتي أنا اللي أنا عايزه يبقى على مسرح موجودة واللي مش عايزه يبقى مش موجود".
وتابع: "بعد ما خلصت آخر شغل، فرقة الأستاذ رضا البحراوي، طلعت على المسرح تاني ومارضيتش اتكلم، وأنا نازل حد فيهم من الفرقة راح شتمني وعاملي حركة كأنهم بيزفوني، وأنا نازل طبعا انا راجل شوفت كده انا راجل حر من بولاق الدكرور، ولما بشوف الغلط بعيني مش بعرف اسكت، وعمري في حياتي ما غلطت في حد ولا جبت سيرة حد ولا اتكلمت على حد".
ولوح: "بعد ما خلصت ونزلت لاقيت أستاذ رضا البحراوي طلع وبيقول هو فين شاكوش هو هرب ولا جرى، لا يا بحراوي أنا ولا جريت ولا هربت أنا خلصت فقرة بتاعتي زيي أي نجم بخلص وبروح بيتي".
وقال: "لو فضلت تشتغل طول عمرك مش هتعرف تعمل 700 مليون زي الي جايبهم في اغنية بينت الجيران، أنا مش بطلع أغني أغاني حد، أنت لو جيت تدور في السي في بتاعك على اغاني مش هتلاقي اصلا، لإن الأغاني اللي بتغنيها مش بتاعتك، وإحنا جينا على نجاح مش على البايظ، ولو شوفت الأرقام بتاعتي هتتخض، أنا غنيت مع نجوم كبار زي أحمد سعد، ومش عايز أغني مع حد تاني".
وأتم بالقول: "أغنية واحدة من بتوعي بتاريخك كله، وأنا بطلع أغني شغلي، لكن مش باخد إيفيهات من على التكاتك والميكروباصات، اجتهد وهات فكر من دماغك وبلاش تعلق همومك على شماعة غيرك، فبلاش تسرق أفكار الناس وركز ".