اثار الفنان حسام داغر خلال الساعات الماضية، حالة من التعاطف بين رواد مواقع التواصل الاجتماعي بعدما كشف عن واقعة بشعة حدثت في منزله، حيث قام مجهولين بتسميم قططه التي كان يربيها في حديقة منزله، ما أثار الحزن بين المتابعين، الذين طالبوا بوجود قانون يعاقب الجناة.
وقال داغر عبر صفحته الرسمية على موقع التواصل الاجتماعي فيس بوك:" رجعت من التصوير لقيت القطط عندي حد سمهم ومات منهم ٤ وقط صغير معاهم والباقيين لسه بين حياة والموت .. حد اداهم السم مع اكل وخلاهم ياكلوه .. مرحمش ضعفهم وفرحتهم بيه وهو بياكلهم .. ربنا شايف ومطلع علي الي عمله .. هما مكانوش مضايقين حد انا كنت متولي اكلهم وشربهم طوال الوقت وعايشين في جنينتي ومبيخرجوش الا لو حدد بسبس لهم يعني قاصد ... صعبان عليا خضة وبكاء اختي وجاري وصعبان عليا نفسي اني مكنتش موجود علشان امنع عنهم الاذي .. لازم قانون يحاسب غلاظ القلب دول بس هيروحوا فين من حساب ربنا … حسبي الله ونعم الوكيل".
وبمجرد نشر المنشور، انهالت التعليقات التي تقدم العزاء لداغر وتُعبّر عن الغضب من قاتلي الكائنات البريئة، ومن هذه التعليقات :" ربنا هاينتقم منه اشد انتقام ،هو فاكر ان ده مش اذى ده اكبر اذى واطعامهم من اكبر النعم والخير ،،ربنا يعافينا من الاذى والمؤذين"، و"مش قادره استوعب ان في بني آدم يموت روح ضعيفه ... حسبي الله ونعم الوكيل"، و"أنا عايز اقولك يا حسام ان اللي يعمل كدة في قطط يعمل نفس العمل في بني ادمين لو ضمن انه مش هايتحاسب عليهم.. عموما الست اللي حبست القطة دخلت النار مبالك باللي سممهم.. ربنا ينتقم منه دنيا وآخرة".
وتابع الجمهور أيضا :" لا حول ولا قوة إلا بالله قلبي عندك يا صديقي فعلا في ناس منزوعة الرحمة من قلوبهم"، و"طب ليه الاذيه منهم لله وهم بعيد عنهم وانت ال اتعهدت بمسؤوليتهم وف جيننه خاصه بتاعتك يعني دول ال كانوا مضايقنهم حسبي الله ربي عليهم"، و"ربنا ينتقم من اللي عمل كده لو فيه كاميرات اعرف هما مين واعمل محضر علشان يبقوا عبره لاي حد يفكر يعمل كده".
