أثارت الفنانة هند صبري إعجاب الجمهور بعد تصريح جريئ منها عن طلاق والديها حيث كانت هند صبري ضيفة أولى حلقات الموسم الجديد من برنامج «السيرة»، الذي تقدمه الإعلامية وفاء الكيلاني على قناة dmc، مساء الخميس.
وكشفت هند عن فترة انفصال والديها ووصفتها بأنها أصعب مرحلة في حياتها، موضحة أنها وقتها كانت في السنة الأخيرة من الثانوية العامة، وتحديدا قبل أسبوعين من امتحانات نهاية العام، حيث عادت من المدرسة فوجدت والدتها منهارة، وأخبرتها أن والدها لن يعود للمنزل مرة أخرى وسينفصلان، فصمتت ولم تعلق وقالت في اللقاء "بابا وماما لما انفصلوا كنت في ثانوية عامة وكانت مرحلة صعبة اوي ..انفصالها كان قبل اسبوعين من امتحاناتي واعتقد اي حد مكاني كان ممكن ينهار ويعيد السنة وميروحش يحضر الامتحان اصلاً ..لان الانفصال ده شيء مش سهل ومكنش متحضرله ..ده جه زي العاصفة كدة ..قفلت اي مواضيع شخصية وقلت لازم اخلص اللي انا فيه ده الاول . تابعت هند "بلغتني امي يوم الانفصال وانا راجعة من المدرسة ان بابا برا ومش راجع تاني طبعا ماما كانت منهارة بس انا مقولتش حاجه ولمدة سنين فضلت كدة وحملت بابا مسئولية الانفصال ده بس مقدرتش اقوله غير من ٣ او ٤ سنين لما قررت اتصالح مع نفسي ومعاه ان ميبقاش جوايا حاجه ناحية حد بحبه ويمكن دي فايدة اني روحت لـ لايف كوتش " وأضافت "قولت لبابا المشكلة عمرها ماكانت في الانفصال ولكن كانت في ازاي نعمل ده لان الطلاق حلال وموجود بس بابا كان صغير وقتها في السن فدلوقتي بقيت قادرة افهم وقادرة اعذر قادرة افهم ان مش كل حاجه بتنفع بالورقة والقلم تطلع مظبوطة ...الشعارات بيكون صعب تطبيقها في الحقيقة ."
وفي الأخير تحدثت عن مشاعرها اتجاهه الأمر وقالت :"بعد انفصالهم قعدت سنتين مش قادرة ارد على بابا مكنتش قادرة وانهارت ..حسيت كل عالمي انهار وانهياري كان طاقة غضب كبيرة جوايا كانت بتطلع في حاجات تانية ،وبقيت بقول جوايا هو انا مكنتش سبب كفاية انهم يفضلوا سوا ؟ ! خاصة وانا الابنة الوحيدة ..فجأة عالمي كله اتفكك بس بعدها قولت لازم ابقى قوية واخلق العالم بتاعي "
وإندهش الجمهور من صراحة وقوة الفنانه هند صبري فعلق أحدهم قائلاً :"برافو بجد الواحد لو ما انقذش نفسه مستحيل حد يقدر ينقذه ، و مش عيب ابدا طلب المساعدة لكن ما حدش هينقذك هو هيساعدك فقط" وعلقت آخرىو قالت :" إيه الجمال ده كلام قوي "
والأخيرة أضافت "هند شخضية متزنة "
يذكر أن أخر أعمال هند صبري مسلسل "هجمة مرتدة" المأخوذ عن ملفات المخابرات المصرية في رمضان الماضي
