اشتعلت ثورة نسائية على مواقع التواصل الاجتماعي لدعم البلوجر إيفون نبيل، والتي أطلقت خلال الساعات الماضية نداء استغاثة في فيديو مباشر عبر صفحتها الرسمية على موقع "فيس بوك"، تستنجد فيه من زوجها الذي يقوم باحتجاز هي وأطفالها لها في شقته بمنطقة الزيتون فى القاهرة لوجود خلافات زوجية بينهما، وتعديه عليها باستمرار، وتهديدها.
وقالت إيفون في الفيديو: "دي أول مرة أعمل نوعية من الفيديوهات دي، ما كنتش حابه أطلع أقول الكلام دا، ولا أتكلم بالطريقة دي، لأني طول الوقت بديكم طاقة إيجابية، أنا حاليا محبوسة في بيتي، جوزي أخد مني اللاب توب والموبايل، وخبيت منه الموبايل دا علشان أعرف أطلع منه، غير إنه غير باسوردات معظم الصفحات".
وفي السياق، أثارت رسالة إيفون حالة من التعاطف على مواقع التواصل وبخاصة بين السيدات، وتوالت التعليقات التي تدعمها وتطالب باتخاذ الإجراءات القانونية مع زوجها وغيره من الأزواج الذين يعتدون على زوجاتهن.
ومن هذه التعليقات :" النوع ده من الرجاله دايما متعب ومقرف واتمنى منقعش مع حد منهم فى يوم من الايام واننا نشوف دايما بوادر الشخصيه دى ونهرب بجد ومنندمش ابداً"، و" ربنا ينقذك يا ايفون ربنا يفك كربك حسبي الله و نعم الوكيل في كل ظالم احنا كلنا بنحبك مش كلام ع الفيس لا بجد انتي شخصيه محبوبه مش زي ما بيقولك انه كدب حاولي تكتبي رقمك او العنوان عشان نعرف نتواصل معاكي"، و" ربنا يفك كربك متخرجيش من بييتك وغيري الكالون وبلغي ...ومتسمعيش ولا تفكري في كلامه هو النرجسي بيحبط فيكي لحد ما تحسي انك لا شئ كل ما تنجحي يضغط اكتر لحد ما توصلي لمرحلة وحشة من الاكتئاب والتعب النفسي".
كما توالت تعليقات السيدات ومنها :" ربنا معاكي يا قلبي ان شاء الله ربنا يفك كربك انتي جميلة جدا وناجحة وشاطرة اوعي تضعفي متخافيش ابدا أن شاء الله الفيديو يوصل و الجهات المسؤولة تنقذك .انتي قوية جدا وناجحة جدا وانا بحبك جدا جدا"، و" انتي شخصية محبوبة وناجحة ومحققة نفسك وفيه حالات زيك كتير وبتعاني بنفس الطريقة. انا بس مش فاهمة هو بيهددك ازاي ..لانه لو تعرفي تقولي نوع التهديد لو بيعاقب عليه القانون اكيد هاتاخدي حقك"، و"حسبي الله ونعم الوكيل في قساة القلوب"، و" لا حول ولا قوه إلا بالله لا إله إلا الله .. يارب يارب يارب ربنا يفك كربك .. ان شاء الله ربنا كريم وحيخرجك منها .. ياريت كنت أعرف أساعدك مش عارفه ااقدر اعملك ايه .. قوليلي اعمل ايه ؟؟".
