تداول رواد موقع التواصل الاجتماعي "فيسبوك"، منشورًا أثار حالة من التعاطف، بعدما تم تداوله بشكل كبير، حيث يتحدث عن فتاة تركتها زوجة أبيها في الشارع.
وقال ناشر صورة الفتاة في تعليقه عليها: "كنت في إمبابة النهاردة ولقيت البنت دي بتسألنا مشفتيش أمي قربنا عليها وسألتها عوزه اي قالتلي امي سبتني هنا من الصبح بدري وقالتلي هروح اجبلك اكل ومجتش قولتلها امك؟؟ قالت لا مرات ابويه قولتلها طب هاتي رقم فون اكلمهالك قالتلي مش عارفه طب انتي منين قالت اسوان؟؟؟؟ جيتي من اسوان ازاي احنا ف الجيزه قالتلي ركبنا قطر وبعدين توكتك طب شنطتك فيها اي قالتلي هدومي ومن هنا فهمت انها قصده تمشيها تطفشها بمعني اصح وكنت انا وخالتي ومعرفناش نتصرف لان هي كنت رفضه اي مساعده لما قولنلها تعالي نوديكي قسم قالت لا طب تعالي هنوديكي دار ايتام وهما يتصرفو قالت لا طب نعملك اي اعدتك ف الشارع كده غلط قالت هي هتيجي وابتدات تخاف مننا وقالت انا مستنيه مرات ابويه تيجي تخدني هي قالتلي هفسحك واكلك كل اللي قدرنا نعمله نديها فلوس رغم انها كنت رفضه تماما تخدهم مننا وقالت اسمها سجده احمد علي وعندها 15 سنه ف بجد يعني".
وتابعت ناشرة القصة :" حسبي الله ونعم الوكيل ف كل شخص يعمل كده لان البنت مش ذنبها حاجه ان مامتها متوفيه زي ما البنت قالت دمانه اقسم بالله اني مقدرتش اعملها حاجه بالذات لما خافت مننا وقامت مشيت".
وعلق عدد كبير من رواد مواقع التواصل الاجتماعي بتعلقيات حزينه منها "لا حول ولا قوة الا بالله حسبي الله ونعم الوكيل في مرات أبوها وأبوها وربنا يكون في عون البنت الغلبانة دي، ولا حول ولاقوة الابالله العلي العظيم".
