نشر أحد مستخدمي موقع التواصل الاجتماعي فيس بوك، صورة لماسح أحذية في محافظة الإسكندرية، ارتبط بموقف إنساني مع قطط الشارع.

وقال ناشر الصورة في تعليقه عليها :" الراجل دة غريب أووي بيلمع أحذيه وقفت ألمع عندة الجزمه... وبعدين شايف القطط وحاطط ليهم أكل زي ما انتم شايفين...يدوب حاسبته واديته 50 جنيه مكنش معاه فكه راح للسوبر ماركت جاب كيس لبن صغير ب5 جنيه واداني الباقي ولقيته بيفرغه بردو للقطط سألته بقوله آنت كل جنيه بتكسبه بتصرفه علي القطط...قالي اقسم بالله أنا ربنا بيرزقني ويراضني علشانهم".

وأضاف :"بعدين سألني هو حضرتك منين...قولتله من دمياط وجاي هنا شغل وراجع علي طول، فقالي شوفت بقي اللي جابك من دمياط لهنا اسكندريه علشان تلمع عندي هو اللي بيرزقني وبيرزقهم، قولت له فعلا سبحان الله... تعرف وانا جاي في محطة الاتوبيس مستني الاتوبيس يحمل كان في بتاع احذيه هناك وجيت ألمع قولت بلاش أصل الاتوبيس يطلع في اي وقت وملحقوش، رد بكل ثقه في ربنا وقالي شوفت ترتيب ربنا بقي".