كتب الفنان والمنتج محمد محمود عبدالعزيز، منشورا خاصا عبر صفحته الشخصية بموقع التواصل الاجتماعي “فيس بوك” يتذكر به والده النجم الكبير محمود عبدالعزيز في أول يوم رمضان.
وكتب قائلا: “كل سنة وحضرتك طيب وبخير يا أبويا وصاحبى وأخويا وكل ما ليا، أول مرة في حياتي ماتكونش معايا وقدام عنيا طول المدة دي بس برضة كل سنة وحضرتك طيب لأني حاسس إنك بخير وفي مكان أحسن من اللي إحنا فيه بكتير”.
وأضاف “ عايز أهدى لحضرتك كل حاجة بعملها سواء إنتاج أو تمثيل أو أي حاجة كويسة ممكن أعملها وتبسطك وأي خير بعمله أو بحاول إني أعمله زي ما حضرتك علمتني والسنة دي بهدي حضرتك صيامي وكل ركعة وكل حرف هقرأه من المصحف الشريف اللي حضرتك ماكنتش بتسيبه، ربنا يتقبل مني ويقدرني وأبقى ربعك في أي حاجة”.
واختتم: ”رمضان كريم.. كل سنة وحضراتكم جميعا بألف صحة وسلامة وخير وربنا يريح قلوبكم ويشفي كل مريض ويرجع كل بعيد ويصبر أي واحد موجوع ويهون علينا جميعا يارب بحق الشهر الفضيل.
(اسألكم الفاتحة والدعاء لأبويا ولأمواتنا جميعا).