علقت الفنانة إلهام شاهين على دورها الذي قدمته في حدوتة "حتة مني" ضمن حكايات مسلسل "زي القمر"، والذي عرض في مارس الماضي 2021، ولاقى ردود أفعال إيجابية، وقالت إنها قابلت عدة سيدات وكل واحدة منهن تقول لها: "دي قصة حياتي". 

وتابعت في تصريحات خاصة لـبوابة "دار الهلال": "قضية السرطان مهمة جدا وأن الست لما تكبر في السن والزوج يفكر ياخد واحدة صغيرة ودي قضية موجودة في البيوت كلها"، وكشفت أنها تلقت العديد من ردود الفعل من سيدات من عدة أماكن وكل واحدة منهن تخبرها أنها شبيهة لقصة حياتها". 

وأضافت: "فيه ناس مرت بتجربة السرطان وانتصروا عليها وأنا بحييهم من كل قلبي لأن أي مرض ممكن نهزمه بقوة الإرادة وأنا دايما عندي قوة إرادة وأشجعها واتحملت أشياء كثيرة والظروف الصعباللي ة الإنسان بيمر بها بتقويه". 

وعن السوشيال ميديا، قالت: "مش بحبها وشغلانة الناس الفاضية، وأي حد دمي تقيل على قلبه ومثلا قابلني في حتة وقالي ممكن صورة وأنا ماليش مزاج وقولتله لأ هيروح يشتمني، السوشيال ميديا لو أنا اهتميت بها شخصيا لازم أرد وأتواصل وأنا لو هتواصل ورأي ماعجننيش مش هسكت هفضل أقنع فيه وأضيع عمري معاه".

وعن المنصات الإلكترونية، قالت: "أحسن حاجة اتعملت وأنا في المسلسل الأخير بتاعي لو حد سألني أشوف فيه كنت بقول على منصة كذا يعني فيه مكان يقدر المشاهد عايز يتفرج على أي عمل يطلعه في أي وقت". 

يذكر أن حدوتة "حتة مني" ضمن حكايات مسلسل "زي القمر"، وشارك في بطولتها أحمد وفيق، حنان سليمان، لبني ونس، نهال عنبر، ومن تأليف شهيرة سلام، وإخراج حسام علي، ويعد من الأعمال المتصلة المنفصلة، وينتمي إلى نوعية المسلسلات الـ 15 حلقة، وناقش عدد من القضايا النسائية وكان أبرزها الخيانة الزوجية.