كشفت الفنانة فيفي عبده، أنها قامت بتجهيز المدفن الخاص بها ليكون شبيها لمدفن الفنان الراحل عبد الحليم حافظ، ورفضت أن يتم وضع كلمة راقصة على قبرها،

جاء ذلك خلال حوارها مع الإعلامي نزار الفارس في برنامج "مع الفارس" المذاع عبر قناة الرشيد العراقية. 

وطرح عليها "نزار" سؤالا قال فيه "ممكن بعد عمر طويل يكتبوا هنا قبر الراقصة فيفي عبده كلمة الراقصة تكون حتى بعد الممات؟" فردت فيفي قائلة " أنا لما عملت المدفن بتاعي عملته أخو مدفن عبد الحليم بالظبط حتى بيني وبينه شارع". 

وتابعت "عبد الحليم ما كتبش الفنان لو كانوا كتبوه يبقى كتبوه دلوقتي، أنا صادقة ما بكذبش لما عملت المدفن بتاعي عملته بعد ما هو مات، يعني أنا حبيت أروح أشوف المدفن بتاعه علشان أعمل زيه". 

وقاطعها "نزار" قائلا "أنتي تحبي كلمة الراقصة تكون معكي" فردت "لا ما تنفعشي أزاي أحط راقصة وأنا رايحة بلقبي كراقصة يمكن أكون غلطانة في اللفظ اللي هقوله أني بقوله يا ربي أنا بحب الرقص بس يمكن اللفظ غلط بس ربنا هو اللي بيحاسب مش انت ولا أنا ولا أنا هخلي حد يحط لي لقب على مدفني إطلاقا". 

وبسؤالها عن الطاقة الإيجابية التي تتمتع بها قالت فيفي عبده "دي كاريزما من عند الله".