أثارت حكايه "بدون ضمان"، أحدث قصص مسلسل "إلا أنا"، والتي تُعرض حاليًا، إعجاب الجمهور على مواقع التواصل الاجتماعي، والذين أشادوا بالحلقات الأولى ومناقشة القضايا الاجتماعية المهمة بشكل مميز، ومنها مشكلة الزواج في بيت العائلة.
وتداول رواد موقع التواصل الاجتماعي فيس بوك منشورًا كتبته إحدى الصفحات الفنية جاء فيه :"مش عارف أجيبهالكم ازاي بس حكاية بدون ضمان حلوة وشدتني من أول مشهد .. الحكاية فيها حاجات كتير ملفتة وعندنا بطلتين للحكاية عكس باقي حكايات إلا أنا وهما هنادي مهنا وهاجر أحمد، الحكاية بتناقش بشكل صريح موضوع الجواز في بيت العيلة وازاي حياة البنت بتتغير بعد الجواز وفي الغالب بيبقى التغيير للأسوأ بالإضافة لمواضيع تانية زي تحكم الراجل في مراته بعد الجواز وإن اللي قدامنا لو متغيرش عشاننا ميبقاش بيحبنا .. حلو إن الحكاية بتناقش قضايا موجودة بكثافة في حياتنا ونقدر نلمسها في ناس كتير حوالينا".
وأضاف :"أكتر حاجة عجبتني إننا دخلنا في الأجواء بسرعة من غير تمهيد وتطويل ممل وأوقات كان بيضايق بصراحة ودي حاجة تحسب لصناع الخكاية، ولو كملوا بنفس الشكل بتاع الحلقة الأولى هتبقى حاجة عظمة خصوصًا إن عندنا كاست جميل فيه نجوم شباب هنادي مهنا وهاجر أحمد وإسلام جمال وأحمد كشك ودنيا سامي وجالا هشام ، ونجوم كبار منختلفش على موهبتهم زي سلوى عثمان وحنان سليمان وأحمد بدير .. بشكل عام الحلقة الأولى مبشرة ومتحمس أوي للحكاية.
وعلق بعض رواد مواقع التواصل الاجتماعي قالا: انا اتشديت للحكايه وانا بتفرج ع التتر لما لقيت حنان سليمان وسلوي عثمان واحمد بدير وكلهم ولما اتفرجت ع الحلقه عجبتني جدآ"، و"فعلا جميله جدا وبتلمس حاجات احنا فعلا عايشينها وخاصه بيت العيله والتحكمات اللي فيه بس اكيد في جانب إيجابي في الحكايه زي مافي جانب إيجابي ف حياتنا"، و"فعلا كانت حلقه حلوه اوي ومفيش تطويل وملل ف الأحداث".
"بدون ضمان" هي الحكاية الثالثة من الموسم الثانى لمسلسل "إلا أنا"، من سيناريو وحوار وسيناريو وحوار يوسف وجيه إخراج ياسمين أحمد كامل، وبطولة هنادى مهنى، هاجر أحمد، أحمد بدير، اسلام جمال، أحمد كشك، سلوى عثمان، جلا هاشم، كيره الصباح، حنان سليمان، وتتناول الحكاية دور الوالد في التعامل مع ابنته في زواجها والصعوبات التي تواجه الفتاة أثناء الخطوبة وبعد الزاوج.
